Усе папулярныя гродзенскія забегі аб’яднаюць у адзін незвычайны турнір, пераможца якога атрымае 500 рублёў.
Усяго за час «Гродзенскай бегавой лігі» пройдзе сем стартаў, па выніках якіх і вызначаць найхутчэйшых бегуноў. Пра ўдзел у праекце папярэдне ўжо заявілі спартсмены з Польшчы і Літвы, піша «БЕЛТА».
Першыя старты новага турніра — гадзінны прабег «Гарадзенская вясна» — адбудуцца 10 сакавіка. 28 мая пройдзе «Гарадзенская Вандроўка». Незвычайныя трасы ў 5 і 10 км пракладзены па цэнтральнай частцы Гродна. Сярод іншых заліковых стартаў - паўмарафон на Аўгустоўскім канале, запланаваны на чэрвень, а таксама марафон дружбы «Гродна-Друскінінкай», рэгістрацыя на які ўжо пачалася.
У жніўні на схілах «Каробчыцкага Алімпа» пройдзе турнір «Гродзенская начная дзясятка». Яго ўдзельнікам пасля заходу сонца трэба будзе пераадолець 3 333 6 666 або 9 999 м. Увосень адбудзецца лёгкаатлетычны прабег па цэнтральных вуліцах Гродна Grodno Run. Вынікі сезона падвядуць на традыцыйным навагоднім міні-марафоне (4,2 км) у канцы снежня.
Удзельнічаць у «Гродзенскай бегавой лізе» могуць усе ахвотныя ў індывідуальным заліку, а таксама каманды клубаў, рэгіёнаў, арганізацый. Балы будуць налічваць ў залежнасці ад занятага месца і працягласці дыстанцыі на этапе. Абсалютных пераможцаў вызначаць сярод мужчын і жанчын. Кожны з іх атрымае 500 рублёў.
Рэканструкцыю воінскага пахавання на Фолюшы на месцы лагера “Шталаг 324” запланавалі ў Гродне. Для пачатку…
У рэспубліканскім банку вакансій у Гродзенскай вобласці зарэгістравана 20 125 вакансій, з іх 6 908…
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…