Пералік археалагічных знаходак, якія выявілі ля сцен Старога замка, папоўніўся. На мінулым тыдні археолагі знайшлі тут залатую накладку, якая была элементам, верагодна, царкоўных рэчаў.
— Магчыма, яна ўпрыгожвала абраз ці кнігу і адносіцца да перыяду сярэднявечча — XII-XIII стагоддзяў, — распавяла «Гродзенскай праўдзе» загадчыца аддзела археалогіі гісторыка-археалагічнага музея Наталля Кізюкевіч.
Сярод знойдзенага таксама арнаментацыйная верагодна скураная накладка таго ж перыяду. Ад цэнтральнага элемента ў форме кветкі ў бакі адыходзяць плоскія трымальнікі, якія мацаваліся да кнігі або абраза. У сярэднявеччы і першыя, і другія былі прыкметай дабрабыту, сустракаліся яны нячаста і ў сваім афармленні, як правіла, мелі дэкаратыўныя элементы, у тым ліку з каштоўных металаў.
Падчас свідравання паглыбленняў для паль археолагі знайшлі металічную пацерку, якая хутчэй за ўсё была часткай ўпрыгожання, і рыбалоўную блешню, якая захавалася ў даволі добрым стане.
Не так даўно ля Старога замка знайшлі цагліну з выявай «Калюмнаў», якая датуецца канцом 14 стагоддзя — часам, калі замак у Гродне перабудоўваў Вітаўт. Археолагі знайшлі фрагмент яшчэ аднаго элемента з рэльефным малюнкам. Пакуль яны прытрымліваюцца версіі, што цэглы выкарыстоўваліся для абліцоўвання печы ці каміна.
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…