Першы дзень народзінаў і надыход вясны адсвяткавалі 25 лютага ў гродзенскім гіпермаркеце «Материк». Праўда, падарункі і прызы атрымлівалі не імяніннікі, а тыя госці, што наведалі краму ў гэты дзень. Тыя, каму пашанцавала аказацца сярод пераможцаў конкурсаў, атрымалі кветкі, слодычы ці сувеніры. Галоўна інтрыга імпрэзы — розыгрыш пуцёвак у Галандыю на час квітнення цюльпанаў.
Чаму вясна прымчалася ў горад раней, чым скончылася зіма, стала ясна адразу. Па-першае, на аўто можна і наднаціснуць на газ, а па-другое, у садовым павільёне гіпермаркета кветкі квінеюць ужо поўным ходам. Так што Прыгажуню-вясну чакаў ва ўсіх сэнсах цёплы прыём. Яна ў адказ дзякавала гродзенцам і раздавала каму ўсмешкі, каму падарункі. Нават тыя, хто зайшоў у краму па справах, заставаліся паўдзельнічаць у святочных конкурсах і паназіраць за прадстаўленнем.
«Мы часта сюды заходзім. За кветкамі, за кашпо, за сувенірамі. Будматэрыялы таксама тут набываем. А зараз я адказала на пытанне і атрымала кветку ў падарунак. Гэта бегонія, такой у мяне раней не было», — распавяла адна з наведвальніц крамы Ала Тарасевіч.
Многія госці атрымалі падарункі з рук вясны проста ў зале. Для тых, хто не змог паўдзельнічаць у конкурсе, было прадугледжана чароўнае дрэўца. Арганізатары казалі, што завязаўшы на ім каляровую стужку можна наблізіцца да спаўнення мары.
А памарыць наведвальнікам крамы было пра што. Усе 40 000 уладальнікаў дысконтных карт гродзенскага «Материка» сталі ўдзельнікамі розыгрыша 10 пуцёвак у падарожжа па Галандыі. Яно запланавана на той час, калі заквінеюць велізарныя цюльпанавыя плантацыі.
Дарослыя, напэўна, пра тое і думалі, калі вязалі свае стужачкі. Прынамсі, расказаць пра «завязанае» жаданне не хацелі. А вось малая Анютка Пяцельчыц шчыра прызналася, што хацела б атрымаць на свяце проста марозіва і шарыкі.
У рэспубліканскім банку вакансій у Гродзенскай вобласці зарэгістравана 20 125 вакансій, з іх 6 908…
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…