Велапаркоўкі ў выглядзе значных для горада будынкаў з’явяцца на новым турыстычным маршруце ў цэнтры Гродна, паведамляе БЕЛТА.
Пра гэта распавялі ў Гродзенскім абласным камітэце ГА «БРСМ». Рэалізацыя праекта «Гродна турыстычны» будзе прымеркавана да Года малой радзімы.
Ідэю арганізаваць незвычайныя велапаркоўкі, якія будуць выкананы ў выглядзе знакавых для горада будынкаў або надпісаў, прапанавала група аўтараў з Гродзенскага прафесійнага ліцэя будаўнікоў на конкурсе «100 ідэй для Беларусі».
Стварыў макет арыгінальнай велапаркоўкі для вуліц Гродна і прадставіў на конкурсе другакурснік будаўнічага Ліцэя № 1 Максім Вадзечка. Хлопец сам амаль штодзень ездзіць на ровары і пра неабходнасць велапарковак у горадзе ведае не па чутках. Ён вучыцца на зваршчыка і можа сам на базе ліцэя стварыць велапаркоўкі.
«Ініцыятыва будзе падтрымана. Рэалізацыя яе намечана на 2018 год. Велапаркоўкі звяжуць турыстычны маршрут, які будзе пракладзены па цэнтральнай частцы горада, — адзначылі ў абкаме. — Праект паспрыяе як павышэнню турыстычнай прывабнасці Гродна, так і развіццю веласіпеднага руху».
Цягам 5 гадоў за ўсталяванне велапарковак у Гродне змагаюцца актывісты грамадскага аб’яднання «ВелаГродна». Вынікам кампаніі «Забяспеч сабе паркоўку!» стала на сённяшні момант больш за 300 велапарковак у горадзе. У 2012 годзе ў горадзе іх было ўсяго 12.
У АУС Гродна сфармавалі спісы найбольш актыўных футбольных заўзятараў і "дэструктыўна настроеных грамадзян". Туды ўвайшло…
Да 1 траўня ў Гродне адкрыюць амбулаторыю ў Грандзічах, уключаць фантаны. Само свята пачнецца з…
Сілавікі знайшлі чатырох непаўналетніх у Гродне і вобласці, якія распаўсюджвалі экстрэмісцкія матэрыялы. Пра гэта напісана…
На "Гродна Азот" усё часцей спрацоўвае пажарная сігналізацыя - у параўнанні з першым кварталам мінулага…
З 21 красавіка на маршруце Гродна-Мінск большасць маршрутак заменяць кітайскімі аўтобусамі Zhong Tong. Транспарт закуплялі…
Зараз праз памежныя пераходы ў Мядзінінкай (з беларускага боку Каменны Лог) і Шальчынінкай (Беняконі) можна…