Гродненский музыкант Артем Самойлов, который был убит в России в сентябре 2017 года
У Праўдзінскім раённым судзе (Калінінградская вобласць) вынеслі прысуд па справе аб забойстве гродзенскага музыканта Арцёма Самойлава. 30-гадовы грамадзянін Расіі віну прызнаў часткова і атрымаў 8 гадоў турмы, паведамілі ў прэс-службе Праўдзінскага раённага суда.
У верасні 2017 года музыка разам са сваімі сябрамі з Гродна адправіўся ў Калінінградскую вобласць у пасёлак Ермакова на заробкі. За некалькі дзён да ад’езду дадому Арцёма забілі.
Суд устанавіў, што ў ноч на 24 верасня 2017 году асуджаны ў стане алкагольнага ап’янення ў ходзе канфлікту нанёс гарадзенцу не менш за 10 удараў па галаве кулакамі і галавой. Ад атрыманых траўмаў Арцём памёр на месцы.
Асуджаны віну прызнаў часткова, сказаўшы, што не хацеў забіваць пацярпелага. Паводле яго версіі, сварка адбылася з-за таго, што ён адрэзаў гродзенцу валасы, сабраныя на патыліцы ў касічку. У таго гэта выклікала лютасць і ён ударыў крыўдзіцеля. Завязалася бойка, малады чалавек упаў і ўдарыўся галавой.
Следства кваліфікавала дзеянні абвінавачанага па ч. 4 арт. 111 КК РФ як наўмыснае прычыненне цяжкай шкоды здароўю, небяспечнай для жыцця чалавека, што пацягнула па неасцярожнасці смерць пацярпелага.
Суд прызнаў віну падсуднага цалкам даказанай і пагадзіўся з фармулёўкай абвінавачвання, заяўленай Следчым камітэтам Калінінградскай вобласці. Пры прызначэнні пакарання суд улічыў змякчальныя акалічнасці: яўку з павіннай, раскаянне, садзейнічанне расследаванню, а таксама наяўнасць шасці малалетніх дзяцей і той факт, што падсудны сам выклікаў хуткую дапамогу да месца злачынства.
У выніку забойца гродзенца быў прыгавораны да васьмі гадоў пазбаўлення волі з адбываннем пакарання ў калоніі строгага рэжыму. Прысуд не ўступіў у законную сілу.
У рэспубліканскім банку вакансій у Гродзенскай вобласці зарэгістравана 20 125 вакансій, з іх 6 908…
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…