Ужо сёння па знойдзеных на будпляцоўцы ГЗК «Трыніці» рэчах можна меркаваць, што там знаходзіцца групавое пахаванне савецкіх салдат часоў Другой сусветнай вайны. З 14 лютага на пляцоўцы працуюць пашукавікі 52-га асобнага спецыялізаванага пошукавага батальёна, якія выявілі ў зямлі новыя знаходкі.
11 лютага падчас правядзення земляных работ былі знойдзены астанкі, як мяркуецца, трох салдат, якія загінулі падчас Другой сусветнай вайны. Разам з парэшткамі былі знойдзеныя і некаторыя асабістыя рэчы.
[irp posts="50 694″ name=" У 1941-м тут кашмар што было". Адкуль узяліся парэшткі салдат на будпляцоўцы Triniti?"]
На 15 лютага пашукавікі паведамляюць пра наступныя знаходках: два медальёны, кішэнны гадзіннік, штык-нож, кацялок, лыжка, процігаз, каска, патроны рознага калібра, падэшва ботаў і элементы зброі. Частка знаходак цяпер у следчым камітэце. Плануецца, што знойдзеныя медальёны салдат будуць перададзеныя ва Упраўленне па ўвекавечанню памяці абаронцаў Айчыны і ахвяр войнаў для правядзення экспертызы і ідэнтыфікацыі вайскоўцаў.
Пашукавікі будуць працаваць на будпляцоўцы яшчэ некалькі дзён. Ёсць вялікая верагоднасць знайсці яшчэ рэшткі загінулых салдат. Варта адзначыць, што ў 2014 годзе пошукавы батальён недалёка ад цяперашняга месца ўжо праводзіў раскопкі: тады былі знойдзеныя групавыя баявыя пахавання.
