Псіхолага-кансультацыйны цэнтр адкрылі на факультэце псіхалогіі ГрДУ імя Янкі Купалы. Усім ахвотным тут абяцаюць дапамагчы разабрацца ў сабе, пераадолець цяжкую жыццёвую сітуацыю, наладзіць адносіны з блізкімі і стаць больш упэўненым, піша «Гродзенская праўда».
— Цэнтр створаны для тых, хто мае патрэбу ў дапамозе, хто не можа самастойна разабрацца з псіхалагічнымі праблемамі і хацеў бы звярнуцца да спецыяліста, — адзначыла падчас адкрыцця цэнтра дэкан факультэта псіхалогіі Ганна Ракіцкая. — Працаваць у псіхолага-кансультатыўным цэнтры будуць супрацоўнікі нашага факультэта, сертыфікаваныя спецыялісты, якія валодаюць неабходнымі навыкамі і ведамі ў галіне экзістэнцыяльнай псіхалогіі, гештальт-тэрапіі, нейралінгвістычнага праграмавання, арт-тэрапіі, пазітыўнай псіхалогіі і гэтак далей.
[irp posts="48 660″ name="Купалаўскі ўніверсітэт прадставіў віртуальны тур па галоўным корпусе"]
Акцэнт у цэнтры робяць на прафесіяналізм супрацоўнікаў, бо многія з іх зрабілі сабе імя як практыкуючыя псіхолагі. Тут можна атрымаць індывідуальную псіхалагічную кансультацыю або наведаць групавы трэнінг. Ёсць праграмы для дарослых і дзяцей.
У планах цэнтра — арганізаваць анлайн-кансультаванне, што зробіць псіхалагічную дапамогу больш даступнай для жыхароў не толькі Гродна, але і іншых населеных пунктаў.
У АУС Гродна сфармавалі спісы найбольш актыўных футбольных заўзятараў і "дэструктыўна настроеных грамадзян". Туды ўвайшло…
Да 1 траўня ў Гродне адкрыюць амбулаторыю ў Грандзічах, уключаць фантаны. Само свята пачнецца з…
Сілавікі знайшлі чатырох непаўналетніх у Гродне і вобласці, якія распаўсюджвалі экстрэмісцкія матэрыялы. Пра гэта напісана…
На "Гродна Азот" усё часцей спрацоўвае пажарная сігналізацыя - у параўнанні з першым кварталам мінулага…
З 21 красавіка на маршруце Гродна-Мінск большасць маршрутак заменяць кітайскімі аўтобусамі Zhong Tong. Транспарт закуплялі…
Зараз праз памежныя пераходы ў Мядзінінкай (з беларускага боку Каменны Лог) і Шальчынінкай (Беняконі) можна…