Гродзенскай танцорцы Нінэль Блахіной «Першы канал» даслаў на Новы год пасылку з ікрой. Муж запрашае кожны месяц у рэстаран, а кліенты хочуць запісацца менавіта да яе на ёгу. Як склаўся лёс 72-гадовай гераіні пасля здымак у Маскве ў перадачы Максіма Галкіна «Старэй ўсіх», распытала «Перспектыва».
— Сяброўкі кажуць, што я «надта зорная». Але мне здаецца, што гэта няпраўда. Проста ўсё жыццё я падтрымлівала сябе ў форме, прытрымлівалася строгага рэжыму і, нарэшце, зразумела, што мой лад жыцця цікавы шырокай публіцы, хоць раней некаторыя не разумелі і круцілі пальцам ля скроні. Чула нават пра сябе «бабулька-матылёк», — тлумачыць Нінэль.
72-гадовая гарадзенка стала вядомая тым, што выглядае ў два разы маладзей за свае гады. Яна была балярынай, дыктарам на тэлебачанні, ваеннаслужачай і выкладчыкам харэаграфіі. І, здаецца, знайшла сакрэт вечнай маладосці і прыгажосці. Яе лад жыцця характэрны людзям, якія знаходзяцца на піку сваёй актыўнасці: працуе трэнерам па ёзе, катаецца на роліках і падарожнічае ў экзатычныя краіны.
Ні раз у інтэрв'ю беларускім СМІ гарадзенка ўспамінала выпадак, як танчыла рок-н-рол і садзілася на шпагат на вечарыне ў чарговым круізе па Скандынавіі. Тры месяцы таму расійскія тэлевізійнікі запрасілі яе на перадачу Максіма Галкіна паказаць менавіта гэты танец.
— Трэніроўкі перад здымкамі доўжыліся чатыры дні па чатыры гадзіны. Да таго ж кожны вечар я выходзіла і адточвала рухі ў парку ля гасцініцы. Мне было складана: усё ж такі ўзрост ужо не той, ды і 50 гадоў у мяне не было партнёра. Я танчыла з Кірылам Лазаравым, які працуе ў Паліны Гагарынай. Малады чалавек ўсяляк мяне падтрымліваў, але трымаў у строгасці: забараняў адцягвацца, раіў фітнес-дыету, каб кульбіты, падтрымкі і шпагаты даваліся лягчэй, — падзялілася Нінэль Блахіна.
З блакітнага экрана яна паўстала інакш, чым у жыцці: загартаваны і жорсткі чалавек, які многае прайшоў, апрануў маску лёгкай наіўнасці і бесклапотнасці.
— Не, гэта не ініцыятыва Максіма Галкіна. Проста я захацела быць тым дзіцем, які жыве ў душы нават у 72 гады. Пры гэтым вядучы сам настройваў на гэта. Максім — чалавек незвычайнага магнетызму: ці то гэта прафесійнае, ці то адбіваецца выхаванне дзяцей з Алай Пугачовай. Але на яго перадачы я расслабілася, — адзначыла суразмоўца.
Нінэль Васільеўна прызнаецца, што многія цікавіліся ганарарам за выступ.
— Не паверыце, але ні капейкі, — раскрылася субяседніца. — Мне аказалі шыкоўны прыём. Я ехала адна ў купэ, памочнікі вазілі на таксі па Маскве, далі камфортны нумар, кармілі якаснай ежай. Я адчувала сябе «зоркай», а гэта даражэй за грошы.
Увагу прэсы ацанілі мужчыны Нінэль Васільеўны: муж, сын, унук.
— Шчыра кажучы, усе цяжкасці ў маім лёсе былі з-за любові, — гаворыць адкрыта субяседніца. — Свайго мужа я багатварыла, кінула ўсё ў Калінінградзе, каб вандраваць па гарнізонах і заўсёды танчыла вакол яго нібы на пуантах. У апошні час нашы адносіны трансфармаваліся, мы аддалі перавагу гасцявому шлюбу пасля паўвекавога сумеснага жыцця. І ведаеце, мой муж так клапатліва да мяне ніколі не ставіўся, як пасля выхаду ў эфір перадачы з маім удзелам.
Суразмоўніца прызналася, што цяпер муж не толькі аплачвае рахункі, але і рыхтуе для яе фітнес-ежу і водзіць у рэстараны. Сёння герой яе галоўнага рамана нават не супраць частых выездаў, а ў Нінэль Васільеўны шчыльны «гастрольны» графік: горы, Вялікі тэатр у Мінску, падарожжа за мяжу.
— Цяпер рыхтуюся да доўгай дарогі ў Індыю. Там збіраюся правесці адзінаццаць дзён. У планах на Гоа далучыцца да групы індыйскіх ёгаў, у іх медытатыўная філасофія, таксама для мяне цікавая. Затым паеду па славутасцях, у тым ліку хачу наведаць Тадж-Махал. У мяне ўжо стала традыцыяй — адпраўляцца ў экзатычную краіну на кожны дзень нараджэння, — адзначыла суразмоўца. — У мінулым гэта былі Мальдывы і Дамініканская рэспубліка. Я аб’ездзіла больш за 30 краін свету. Некаторыя пытаюцца, адкуль бяру грошы на паездкі. Я ўвесь час працую, жыву аскетычна, яшчэ нядаўна вяла хатнюю бухгалтарскую кнігу. Дапамагаюць брат, муж, сын.
— Для больш узроставых людзей — тых, хто імкнецца ўжо да гарызонту жыцця, трэба пастаянна змяняцца і пазнаваць новае, каб захаваць сябе ў адэкваце, — упэўненая вечна юная Нінэль.
Каждому автомобилю рано или поздно понадобятся запчасти. Рекомендуем вам посетить сайт ss20-shop.ru. здесь вы найдете все, что нужно для вашего авто по приемлемым ценам.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…