Праект карэкцыйнай праграмы для мужчын-агрэсараў у сямейна-бытавой сферы будзе рэалізаваны ў Гродзенскай і Брэсцкай абласцях, піша БЕЛТА.
Першымі скарысталіся паслугамі спецыялістаў падуліковыя крымінальна-выканаўчых інспекцый Мінска і Барысаўскага РУУС. Пачатковыя лекцыі наведалі каля 200 чалавек, з іх некаторыя вырашылі наведваць заняткі і далей. Праваахоўнікі адзначылі, што праекту ўсяго 2 месяцы. Заняткі з псіхолагамі добраахвотныя.
Новая ідэя ўздзеяння на агрэсараў прыйшла з-за мяжы, дзе паспяхова выкарыстоўваецца ўжо не першы год. Беларускія псіхолагі тэрытарыяльных цэнтраў сацыяльнага абслугоўвання насельніцтва прайшлі навучанне ў Англіі і атрымалі адпаведныя сертыфікаты, цяпер яны выкарыстоўваюць свае веды на радзіме. Спецыялісты карэктуюць паводзіны мужчын, навучаюць паважлівым зносінам, развіваюць адэкватныя паводзіны і самаацэнку.
У 2017 годзе зафіксавана каля 2,5 тыс. выпадкаў гвалту, якія караюцца крымінальна, у сямейна-бытавых стасунках.
«МУС робіць канкрэтныя крокі ў бок узмацнення супрацьстаяння агрэсарам, выступаючы ініцыятарам зменаў у заканадаўстве і ўзмацнення жорсткасці пакарання. Акрамя таго, ведамства з’яўляецца адным з удзельнікаў рэалізацыі праекта міжнароднай тэхнічнай дапамогі па супрацьдзеянні гендэрнаму гвалту, які прадугледжвае псіхакарэкцыйную праграму для мужчын-агрэсараў. Нядаўна да яе падключыліся і крымінальна-выканаўчыя інспекцыі «, — распавёў намеснік начальніка ўпраўлення наглядна-выканаўчай дзейнасці МУС Сяргей Аляшкевіч.
Рэканструкцыю воінскага пахавання на Фолюшы на месцы лагера “Шталаг 324” запланавалі ў Гродне. Для пачатку…
У рэспубліканскім банку вакансій у Гродзенскай вобласці зарэгістравана 20 125 вакансій, з іх 6 908…
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…