Жыхарка Гродна Вікторыя 17 студзеня зафіксавала, як дарожныя рабочыя на вуліцы Шчорса ў завею праводзілі ямачны рамонт асфальту. Гэта абурыла яе і яна падзялілася здымкамі з журналістамі.
На здымках бачна, як адзін з рабочых укладвае гарачы асфальт, не ачысьціўшы пляцоўку ад снегу, што з’яўляецца грубым парушэннем. Праца праводзілася ў мінусавую тэмпературу, а гэта таксама парушэнне.
«Я гуляла з дачкой і ўбачыла, што на вуліцы ў снежнае надвор’е асфальт рамантуюць. Абурыла, што нам прыходзіцца плаціць дарожны падатак, а тут такое адбываецца. Грошы на дарозе не валяюцца! Дзяржава не ўмее імі распараджацца», — распавяла Hrodna.life Вікторыя.
Многія не раз назіралі ў Беларусі працэс укладкі асфальту зімой або позняй восенню. Аказваецца, рамантаваць дарогі ў гэты час года можна, але толькі пры пэўных або экстраных абставінах. Каб выканаць рамонт дарогі зімой, неабходна абавязкова падрыхтаваць тэрыторыю: прыбраць снег, лёд і апрацаваць месца адмысловымі рэагентамі.
Пры невялікіх ападках у халодны перыяд для ўкладкі выкарыстоўваюцца літыя і халодныя сумесі, але ніяк не гарачыя, як на здымках.
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…
Байкеры выявілі ў Пышках дрот, нацягнуты на ўзроўні шыі. Відэа яны размясцілі ў TikTok. "Вось…