З 4 студзеня ў Гродне ў тэставым рэжыме запрацуе яшчэ адна кіназала. Паглядзець фільмы з асаблівай камфортнасцю можна будзе ў моладзевым цэнтры «Гродна», піша «Гродзенская праўда».
Кіназала размесціцца ў прасторным памяшканні, дзе зараз праводзяць дыскатэкі. Галоўная асаблівасць — незвычайныя крэслы-рэклайнеры, якія выконваюць некалькі функцый. Гледачы змогуць апускаць спінку або ставіць ногі на адмысловую падстаўку, каб адпачылі ногі.
— Ужо ўсталяваныя 12 крэслаў-рэклайнераў і 10 лежакоў, — распавёў дырэктар моладзевага цэнтра «Гродна» Міхаіл Шышкоў. — Рыхтуюцца подыумы яшчэ для дзясятка рэклайнераў.
На поўную магутнасць кіназала запрацуе да канца студзеня — пачатку лютага і зможа прыняць адначасова да 50 гледачоў. Тады запланавана і афіцыйнае адкрыццё.
— Галоўнае адрозненне новай залы не толькі ў яго незвычайным фармаце, але і ў якасці карцінкі, — дадаў Міхаіл Шышкоў. — Набылі новае абсталяванне, якое на сённяшні дзень дае найлепшую 3D-карцінку.
На час вячэрніх мерапрыемстваў будзе зноў трансфармавацца ў танцавальную пляцоўку.
Першай пакажуць стужку для юных гледачоў - мультфільм «Цуда-Юда». Да 10 студзеня тут таксама можна будзе паглядзець навагоднюю камедыю «Ёлкі новыя» і біяграфічны мюзікл «Найвялікшы шоўмэн». Кошт квіткоў - 4 і 8 рублёў у залежнасці ад месца ў залі.
На таргі выставілі ўчастак каля кальцавой развязкі праспекта Касманаўтаў і вуліцы Карскага. Згодна з прызначэннем…
Сэрвіс карт ад Google абнавіў спадарожнікавыя фатаграфіі Гродна. На іх можна ўбачыць найбуйнейшыя будоўлі горада,…
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Праз дарогу ад гандлёва-забаўляльнага цэнтра Triniti на праспекце Янкі Купалы прадаюць трохпакаёўку ў новым доме.…
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…