Па словах прадстаўнікоў турыстычных кампаній, у гэтым годзе навагоднія туры за мяжу апынуліся ў беларусаў незапатрабаванымі, суайчыннікі аддаюць перавагу правесці святы на радзіме, піша ej.by.
У апошнія гады, у сувязі з падзеннем плацежаздольнасці беларускіх турыстаў, попыт на адпачынак за мяжой значна знізіўся. І хоць летам бягучага года турысты браніравалі пуцёўкі часцей, чым у папярэднія сезоны, сітуацыя з зімовым адпачынкам і навагоднімі святамі засталася на ранейшым узроўні.
«Навагоднія туры прадаюцца дрэнна. Некалькі чалавек забраніравала Львоў, яшчэ пару — Скандынавію, цёплыя краіны амаль не браніруюць. Што цікава, расейцы праз нас ляцяць у Егіпет на Новы год, а беларусы не», — распавяла намеснік дырэктара турыстычнай кампаніі «Увесь свет» Таццяна Булатава.
Тое, што туры на Новы год амаль зусім не прадаюцца, пацвердзілі і ў кампаніі «Топ-Тур».
«Крыху больш актыўна, чым усё астатняе, прадаюцца бюджэтныя аўтобусныя туры па Еўропе, напрыклад у Чэхію. Яны абыходзяцца каля 200 еўра на чалавека на тыдзень, — распавяла намеснік дырэктара па прадукту кампаніі „Топ-Тур“ Алена Сапільнікава. — Самалётныя навагоднія туры не прадаюцца зусім. Таксама не карыстаецца попытам і зімовы адпачынак».
Таццяна Булатава сцвярджае, што з кожным годам таксама менш становіцца тых, хто звяртаецца да паслуг турфірм.
«Асабліва гэта тычыцца моладзі, яны аддаюць перавагу самастойна браніраваць пражыванне на гарналыжных курортах, у Літве, Польшчы і г. д.», — сказала яна.
Тураператары звяртаюць увагу на той факт, што асноўнай масе нашых суайчыннікаў па-ранейшаму складана ў фінансавым плане адпачываць больш за адзін раз у год, галоўным адпачынкам для беларусаў таму застаецца летні.
Увогуле, як і чакалася, большасць нашых суайчыннікаў у навагоднія святы вырашылі застацца дома.
Як адзначыла галоўны спецыяліст упраўлення фарміравання турыстычнага прадукту кампаніі «Цэнтркурорт» Алена Навічэнка, высокім попытам на святочныя даты карысталася ў беларусаў санаторна-курортнае лячэнне. Паводле яе слоў, браніраванне на святы ажыццяўляліся як у бюджэтных санаторыях, так і больш дарагіх тыпу «Плісы».
«Акрамя гэтага, вялікім поспехам сярод беларусаў карысталіся бюджэтныя кароткія навагоднія праграмы на 2−3 дні ў такіх комплексах як „Раўбічы“, „Сілічы“ і інш. Кошт пытання: трохдзённы тур з пражываннем, харчаваннем, навагоднім банкетам і праграмай каштуе ад 260- 270 рублёў на чалавека (без праезду)», — распавяла спецыяліст.
«Можна адзначыць такую тэндэнцыю: беларусы, выбіраючы адпачынак унутры краіны, аддаюць перавагу бюджэтным варыянтам. Калі дазваляюць фінансы, яны едуць адпачываць за мяжу», — дапоўніла яна.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…