Аляксандр Мілінкевіч, фота ілюстрацыйнае. Фота: Аляксандр Васюковіч, TUT.BY
«У Еўропе мы апошнія, каму трэба рабіць рэформы, — зазначыў Аляксандр Мілінкевіч. — Добрае ў гэтай сітуацыі тое, што апошнія маюць шанец пазбегнуць памылак, зробленых папярэднікамі». Каб падрыхтаваць новую эліту, неабходна адпаведная адукацыя. Канцэпцыю новай установы — Вольнага Беларускага Універсітэту — Мілінкевіч прадставіў на сустрэчы з навукоўцамі ў Гродне 17 снежня.
Новы ўніверсітэт паводле Мілінкевіча — гэта праграма дыстанцыйнага навучання, што дазволіць беларусам атрымаць еўрапейскую адукацыю і дыпломы, не з’язджаючы за мяжу.
«Сёння беларусы па акадэмічнай актыўнасці на першым месцы ў рэгіене. Зараз вучыцца за мяжой 34 360 чалавек. Большасць з іх, каля 72%, у Расіі. Тыя беларусы, што едуць вучыцца на Захад, атрымаўшы дыпломы, стараюцца застацца ў замежжы. Нават калі ў Беларусі прызнаюць іх дыпломы, заробак прапануюць значна меншы.Такім чынам, кадры «нібы рыхтуюцца, але там і застаюцца».
Універсітэт можа скласці альтэрнатыву абодвум існуючым напрамкам навучання за мяжой. Найперш таму, што прапануе дыстанцыйнае навучанне.
«Шыракапалосны інтэрнэт і оптавалакно ёсць нават у вёсках. Па таннасці інтэрнэта мы на 7-м месцы ў свеце. Гэта таксама аргументы на карысць праекта. Людзі могуць заставацца тут, са сваёй сям’ёй, працягваць працаваць ці вучыцца. Так больш шанцаў, што атрымаўшы веды, неабходныя для рэфармавання краіны, застануцца тут».
[irp posts="28 740″ name=" Зусім не адчуваю ўзросту". Аляксандру Мілінкевічу — 70 гадоў"]
Зараз у праекце працуюць беларускія і польскія навукоўцы, далей магчыма пашырэнне партнёрства з іншымі еўрапейскімі краінамі. Будаваць Вольны Беларускі ўніверсітэт пачынаюць «зверху». Першымі з’явяцца праграмы паслядыпломнай адукацыі, пасля — магістарскія і толькі потым бакалаўрскія. Справа ў юрыдычных складанасцях прызнання дыстанцыйнай адукацыі. Для «ўдасканалення ведаў» такіх праблем няма.
Спецыяльнасці, што прапануе Вольны Беларускі ўніверсітэт, будуць звязаныя з публічнай палітыкай, менеджментам, адміністраваннем, фінансамі, правам і эканомікай. Навучанне будзе праводзіцца на беларускай, англійскай і польскай мовах. Для кожнага прадмета будуць створаны адмысловыя навучальныя модулі з інтэрактыўнымі і гульнявымі метадамі навучання.
Грамадскімі каардынатарамі праекта сталі вядомыя ў свеце беларусы — Святлана Алексіевіч, Станіслаў Шушкевіч і Алесь Бяляцкі.
Пакуль Вольны Беларускі Універсітэт — гэта толькі група людзей, якія яго ствараюць. Прыняць першых студэнтаў установа зможа не раней чым праз два гады.
На таргі выставілі ўчастак каля кальцавой развязкі праспекта Касманаўтаў і вуліцы Карскага. Згодна з прызначэннем…
Сэрвіс карт ад Google абнавіў спадарожнікавыя фатаграфіі Гродна. На іх можна ўбачыць найбуйнейшыя будоўлі горада,…
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Праз дарогу ад гандлёва-забаўляльнага цэнтра Triniti на праспекце Янкі Купалы прадаюць трохпакаёўку ў новым доме.…
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…