У цэнтры Гродна з 15 снежня пачало працаваць кафэ «Хотей». Яно адкрылася на Ажэшкі, 1, на месцы культавай «Чабурэчнай». У новым месцы прапануюць cушы і піцы.
У меню: 13 відаў піцы, больш за 50 відаў сушы, ролаў і гунканаў, салаты, супы міса з морапрадуктамі, дэсерты, марозіва, кактэйлі і напоі. Асартымент страў плануюць пашыраць, цэны абяцаюць трымаць даступнымі. Кухары прыехалі сюды з Расіі.
Піца тут рыхтуецца па амерыканскай, а не па італьянскай тэхналогіі - гэта значыць на тоўстым пышным цесце, з вялікай колькасцю інгрэдыентаў. Дыяметр каржа самай вялікай піцы ў кафэ «Хотей» — 40 см, а яе вага — больш за 1 кг.
Інтэр'ер кафэ «Хотей» выкананы ў індустрыяльным стылі з элементамі рэтра. Адсюль і мэбля з металічнага каркасу, трубы, плітка з імітацыяй іржы. Белы колер цаглянага мура — адна з тэкстур індустрыяльнага стылю — і яркае асвятленне даюць адчуванне лёгкасці і свабоды. Дрэва стварае ўтульнасць, камфорт, уносіць элемент раскошы, кажуць ва ўстанове.
У кафэ абсталявана таксама гульнявая зона для дзяцей, у будучыні магчыма правядзенне дзіцячых святаў.
Кафэ першы час будзе працаваць без абеду і выхадных з 11 да 23 гадзін. З нагоды адкрыцця наведвальнікаў чакаюць зніжкі: 15 снежня — зніжка 30% ад сумы заказу, 16 снежня — 20%, 17 снежня — 15%. Пазней пачне працаваць служба дастаўкі і сайт для замовы.
Закрытая вечарына з нагоды адкрыцця новага кафэ прайшла 14 снежня.
У рэспубліканскім банку вакансій у Гродзенскай вобласці зарэгістравана 20 125 вакансій, з іх 6 908…
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…