Матч адной з лепшых каманд СНД па амерыканскім футболе супраць зборнай рэгіёнаў, дзе збяруцца лепшыя гульцы Беларусі, пройдзе ў Гродне 9 снежня ў футбольным манежы. На сустрэчу зорак беларускага амерыканскага футбола запрашаюць усіх жадаючых.
Новы сезон у беларускіх каманд пачнецца ў красавіку 2018 года. Упершыню каманды прымуць удзел у новаствораным чэмпіянаце Беларусі, дзе будзе каля 6 каманд, у тым ліку і мінскія «Літвіны».
Падрыхтоўка да новага сезона ў гродзенскіх «Варвараў» ужо пачалася. Сілавыя трэніроўкі ў гродзенцаў праходзяць у суботу (поле гімназіі № 2) і нядзелю («ЦСК «Нёман»). Таксама сярод тыдня праходзяць і тэарэтычныя заняткі.
Каб замацаваць адыходзячы 2017 год у беларускіх каманд было прынята рашэнне правесці ў Гродне апошні матч, на які з’едуцца лепшыя з рэгіёнаў.
«Аб'яднаная каманда гродзенскіх „Варвараў“, віцебскіх „Рысяў“ і брэсцкіх „Вартавых“ упершыню ў Гродне сустрэнецца з мінскімі „Літвінамі“. Зараз на вуліцы ўжо холадна, матч вырашылі правесці ў крытым футбольным манежы ў Пышках, так што запрашаем на матч аматараў амерыканскага футбола ў Гродне і тых, хто хоча з гэтай гульнёй пазнаёміцца бліжэй. Гульня пачнецца ў 19.00», — распавядае галоўны трэнер «Варвараў» Аляксей Серабракоў.
Акрамя гэтага «Варвары» пачалі набор у дзіцячую секцыю амерыканскага футбола на базе гімназіі № 2. Старшакласнікаў ужо набралі.
«Трэніраваць юніёраў будзе наш дасведчаны гулец Яўген Шчука. Улетку плануем аднавіць практыку летніх турніраў па сцяг-футболе. Гуляць маладыя будуць у першую чаргу там. Але поўнага плану работы дзіцячай школы пакуль няма. Мяркуючы па тым, колькі цяпер старшакласнікаў займаецца ў Яўгена, сабраць дзіцячую каманду будзе прасцей чым дарослую. Моладзь цяпер больш прагрэсіўная, ці што. Лепш знаёмая з заходняй культурай і не так схільная да забабонаў, як наша пакаленне», — дадаў Серабракоў.
У рэспубліканскім банку вакансій у Гродзенскай вобласці зарэгістравана 20 125 вакансій, з іх 6 908…
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…