У Гродне да канца гэтага года прыпыняюць гарадскую аўтамабільную перавозку пасажыраў па некалькіх экспрэс маршрутах.
«Аўтобусны парк № 1» тлумачыць гэта аптымізацыяй гарадской маршрутнай сеткі і зніжэннем выдаткаў на перавозку пасажыраў.
Даехаць да Паўднёвага рынка цяпер не атрымаецца на аўтобусах:
№ 16Э «Вуліца Белыя Росы — Рынак «Паўднёвы»
№ 20Э «Вуліца Дамброўскага — Рынак «Паўднёвы»
№ 21Э «Вуліца Маладзёжная — Рынак «Паўднёвы»
№ 23Э «Фолюш — Рынак «Паўднёвы»
№ 26Э «Дзевятоўка-7 — Рынак «Паўднёвы»
№ 39Э «Абласная філармонія — Рынак"Паўднёвы».
Такі крок адмоўна паўплывае на бізнес, лічаць прадпрымальнікі на Паўднёвым рынку.
«Не трэба казаць, наколькі для ІП важная дастаўка людзей, асабліва перад Новым Годам. І так гандлю няма, а тут яшчэ гэты ўдар. Цікава, што некаторыя прычынай закрыцця маршрутаў бачаць нядаўнюю спробу самагубства. Кіроўца скокнуў з моста ў Нёман. Здымаюць нагрузку з кіроўцаў, няма каму працаваць. На думку прадпрымальнікаў, мабыць была праверка па гэтым факце. Заробкі невялікія, адпаведна, вадзіцеляў не хапае. Вось і праводзяць аптымізацыю. Ды і год сканчаецца. Трэба яго неяк закрыць. Вядома, гэта можа быць ударам па бізнесе,» — абураецца на сваёй старонцы ў фэйсбуку Анатоль Шумчанка, кіраўнік аб’яднання прадпрымальнікаў «Перспектыва».
Савет рынка «Паўднёвы» будзе звяртацца па тлумачэнні па гэтым пытанні.
Зараз праз памежныя пераходы ў Медынінкай (з беларускага боку Каменны Лог) і Шальчынінкай (Беняконі) можна…
У Гродне на продаж выставілі начны клуб "Калізей 2000". Ён прадаецца як гатовы бізнес. Паглядзелі,…
Прадаюць камерцыйнае памяшканне ў падвале будынка на вул. Савецкіх Пагранічнікаў, 17. Там дызайнерскі рамонт у…
У Гродне з аўкцыёну прадаюць памяшканне афтальмалагічнага цэнтра "Новое зрение" на вул. Леніна, 13-3. У…
Чарачная “са смакам дзяцінства” DEHDИ адкрылася ў Гродне на вул. 1-й Працоўнай, 8. Уладальнікі абяцаюць,…
У Гродне на Лідскай, 15А адкрыўся "пакой лютасці". Ва ўстанове пад назвай «Дебошь» можна скінуць…