У краінах Еўразійскага эканамічнагй саюза (ЕАЭС) плануецца ўвесці каляровую маркіроўку прадуктаў па ўзроўні ўтрымання ў іх шкодных або ў залішняй колькасці рэчываў, піша naviny.by са спасылкай на БелаПАН.
Як паведаміла прэс-служба Еўразійскай эканамічнай камісіі (ЕЭК), магчымасць маркіроўкі харчовых прадуктаў па сістэме «светлафор» 21 лістапада ў Маскве абмеркавалі галоўныя санітарныя лекары саюзных дзяржаў/
Яны падтрымалі ініцыятыву Расіі па вызначэнні агульных падыходаў да выкарыстання каляровых схемаў ў маркіроўцы для спрыяння здароваму харчаванню.
Расія прапанавала наносіць на ўпакоўкі палосы чырвонага, жоўтага і зялёнага колераў і падрыхтаваць у гэтай частцы рэкамендацыю Камісіі для дзяржаў - членаў ЕАЭС.
Колеры будуць паказваць ўзровень утрымання шкодных для здароўя ў залішняй колькасці рэчываў, такіх як тлушч, соль, цукар.
«Стаіць на прадукце чырвоная паласа, значыць, у ім высокая канцэнтрацыя шкодных інгрыдыентаў, жоўтая — сярэдняя, зялёная — нізкая: можна смела купляць тавар, — сказаў член калегіі (міністр) па тэхнічным рэгуляванні ЕЭК Валерый Карашкоў. - І не трэба прыглядацца да набраных дробным шрыфтам надпісаў. А выкарыстанне магазіннага „светлафора“ у прывязцы да колькасці ў тавары солі, цукру, тлушчаў зробіць такую маркіроўку асабліва зручнай для пакупнікоў».
Працу над гэтай рэкамендацыяй камісіі члены савета вырашылі пачаць на пляцоўцы ЕЭК практычна неадкладна — у лістападзе-снежні бягучага года.
Рэканструкцыю воінскага пахавання на Фолюшы на месцы лагера “Шталаг 324” запланавалі ў Гродне. Для пачатку…
У рэспубліканскім банку вакансій у Гродзенскай вобласці зарэгістравана 20 125 вакансій, з іх 6 908…
Мост праз раку Лашанку пад Гроднам, які змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх Пагранічнікаў. Гродзенцы абураны тым, што…