Будынак 1900 года на вуліцы Ажэшкі, 35а фонд «Гроднааблмаёмасць» спрабаваў прадаць з лістапада 2016 года. Толькі праз год, на сёмым па ліку аўкцыёне, яго прадалі па значна зніжанай цане.
Пачатковая цана нерухомасці складала каля 500 тысяч рублёў і з кожным новым аўкцыёнам падала. На аўкцыёне, які прайшоў 20 лістапада, аб’ект прадалі за 152 330 рублёў. Пачатковая цана ў гэты дзень складала 101 тысяча рублёў.
Пакупніком старой камяніцы агульнай плошчай 319,0 м² стаў гродзенскі бізнесовец Аляксандр. Яму трэба будзе рэканструяваць набыты будынак пад аб’ект грамадскага прызначэння на працягу года.
«На другім паверсе хачу зрабіць офісы для сваёй фірмы, а на першым, побач з „Кофе Саунд“ [выкупленае памяшканне — рэд.], магчыма што-небудзь адкрыецца, — распавядае Аляксандр. — Пакупка гэта для мяне ў першую чаргу ўкладанне грошай і новае месца для працы маіх супрацоўнікаў».
Ён раіць іншым бізнесменам не баяцца ўкладаць грошы ў будынкі ў Гродне. Самае складанае, паводле Аляксандра, гэта ісці першы раз такім шляхам.
«Гістарычныя аб’екты палохаюць наборам патрабаванняў пры рэканструкцыі, але трэба спрабаваць. Мне прыемна, што я гродзенец і інвестую ў cвой горад. Я лічу, гэта правільна».
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…