Гродзенскі рыбалоў вылавіў нямецкі ордэн Жалезны Крыж

Гродзенскі рыбалоў падчас рыбалкі на ​​рацэ ў межах Гродзенскага раёна зачапіў кручком пакрыты тоўстым пластом іржы крыж, паведамляе « Перспектыва».

Мужчына вырашыў у хатніх умовах паспрабаваць распазнаць знаходку. Апусціў крыж у раствор лімоннай кіслаты для зняцця іржы. У выніку ад узнагароды застаўся толькі каркас. Але і аправы аказалася дастаткова, каб, не звяртаючыся па дапамогу знаўцаў, ідэнтыфікаваць знаходку. На кручок трапіўся ордэн Жалезны Крыж — сімвал Прусіі, а затым Германіі.

Крыж быў заснаваны два стагоддзі таму. Эскіз маляваў асабіста прускі кароль Фрыдрых Вільгельм III, імкнучыся вытрымаць аналогію з крыжом тэўтонскага ордэна. У адрозненні ад іншых узнагарод, Жалезны Крыж зроблены не з каштоўных металаў. Выкарыстоўвалі жалеза якое апраўлялі ў сярэбраную аправу. Цікава, што гэты крыж — першая еўрапейская ўзнагарода, якая ўручаецца выключна за баявыя подзвігі. Менавіта таму крыж стаў папулярным сярод вайскоўцаў.

У ніжняй частцы ордэна заўсёды паказваўся год заснавання дадзенай версіі - 1813 1870, 1914 ці 1939. У 1813 годзе верхні прамень крыжа ўпрыгожвалі ініцыялы караля-заснавальніка, а ў цэнтры красавалася дубовая галіна. Затым ў 1871 і 1914 гадах у цэнтры набіваліся ініцыялы Кайзер — Вільгельм I і II. У 1939 годзе Гітлер даручыў замяніць ініцыялы свастыкай як сімвалам нацыянал-сацыялістычнай дзяржавы.

Ордэн меў спачатку чатыры ступені, а затым пяць. У Першую сусветную вайну крыж ўручылі больш за 5 мільёнам салдат і афіцэраў, а ў Другую — больш за 3 мільёнам.