Дамова пра разбудову аэрадрома ў Крыўлянах пад Беластокам была падпісаная 17 лістапада. Як паведамляюць польскія медыі, будаўнічыя працы распачнуцца ўжо 4 снежня. Першыя самалёты могуць прызямліцца пад Беластокам ужо ў канцы наступнага года.
Кошт будаўніцтва складае крыху больш за міліён еўра.
На гэтыя грошы будуць збудаваныя дзьве пасадачныя паласы — для спартыўных і для пасажырскіх самалётаў.
Аэрапорт пад Беластокам будзе абслугоўваць невялікія самалёты (да 50 пасажыраў), якія змогуць рабіць рэйсы на адлегласць да 2 тыс. кіламетраў.
Адразу па з’яўленні інфармацыі пра разбудову аэрапорта ў Крыўлянах гарадзенцы ўжо паспелі назваць у сацыяльных сетках новы праект «Гродна-2».
Дагэтуль найбліжэйшымі да Гродна міжнароднымі аэрапортамі былі літоўскія Коўна і Вільня.
Гарадзенскі аэрапорт, які дзейнічае з 1984 г., мае ўзлётна-пасадачную паласу ў паўтары разы даўжэйшую за тую, якую збудуюць у Крыўлянах (2560 метраў супраць 1350 метраў).
Эксперты даўно казалі, што інвестыцыі ў разбудову гарадзенскага аэрапорта дазволілі б сур’ёзна паўплываць на развіццё эканомікі ў рэгіёне.
Старшыня гарадзенскага аблвыканкаму Ўладзімір Краўцоў казаў сёлета пра магчымае ўключэнне аэрапорта ў Абухаве ў бязвізавую зону і арганізацыю палётаў «лоўкостаў» з Гродна.
Пакуль, аднак, інвестараў не знайшлося.
У АУС Гродна сфармавалі спісы найбольш актыўных футбольных заўзятараў і "дэструктыўна настроеных грамадзян". Туды ўвайшло…
Да 1 траўня ў Гродне адкрыюць амбулаторыю ў Грандзічах, уключаць фантаны. Само свята пачнецца з…
Сілавікі знайшлі чатырох непаўналетніх у Гродне і вобласці, якія распаўсюджвалі экстрэмісцкія матэрыялы. Пра гэта напісана…
На "Гродна Азот" усё часцей спрацоўвае пажарная сігналізацыя - у параўнанні з першым кварталам мінулага…
З 21 красавіка на маршруце Гродна-Мінск большасць маршрутак заменяць кітайскімі аўтобусамі Zhong Tong. Транспарт закуплялі…
Зараз праз памежныя пераходы ў Мядзінінкай (з беларускага боку Каменны Лог) і Шальчынінкай (Беняконі) можна…