Фота: Scott Webb, unsplash.com
У Гродне на некаторых кантэйнерных пляцоўках усталююць фота- і відэакамеры, расказаў БелТА генеральны дырэктар Гродзенскага гарадскога ЖКГ Андрэй Хмель. Эксперымент праводзіць ЖКГ сумесна з прадпрыемствам «Спецаўтагаспадарка».
«Хачу адразу супакоіць жыхароў горада — мэты прасачыць за імі ці кагосьці пакараць няма. Эксперымент дазволіць прааналізаваць нашу працу, выявіць праблемныя моманты, высветліць, наколькі людзі інфармаваныя аб асобным зборы смецця, з якімі катэгорыямі грамадзян неабходна ўзмацніць тлумачальную працу ў гэтым кірунку.
Акрамя таго, нагадаем аб неабходнасці утрымліваць парадак на кантэйнерных пляцоўках. Па выніках аналізу ў працу камунальных службаў будуць уносіцца змены, у тым ліку ў графік вывазу смецця", — адзначыў Андрэй Хмель.
У Гродне сёння ёсць больш за 1,2 тыс. кантэйнерных пляцовак, на якіх размешчаны кантэйнеры як для змешаных адходаў, так і для збору паперы, пластыка і шкла. Усё смецце паступае на завод па ўтылізацыі і механічнай сартаванні адходаў, які разлічаны на перапрацоўку да 120 тыс. тон адходаў у год.
Працягнуць у Гродне і барацьбу з несанкцыянаванымі звалкамі. Месцы іх з’яўлення абсталююць фотапасткамі. Парушальнікаў будуць прыцягваць да адміністрацыйнай адказнасці.
На таргі выставілі ўчастак каля кальцавой развязкі праспекта Касманаўтаў і вуліцы Карскага. Згодна з прызначэннем…
Сэрвіс карт ад Google абнавіў спадарожнікавыя фатаграфіі Гродна. На іх можна ўбачыць найбуйнейшыя будоўлі горада,…
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Праз дарогу ад гандлёва-забаўляльнага цэнтра Triniti на праспекце Янкі Купалы прадаюць трохпакаёўку ў новым доме.…
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…