На тэрыторыі Старога замка другі тыдзень ідуць падрыхтоўчыя працы. Маштабная рэканструкцыя пачнецца ў бліжэйшы час. Работамі будуць займацца гродзенскія будаўнічыя арганізацыі «Гроднапрамбуд» і «Гроднажылбуд». У аснове работ — праект Уладзіміра Бачкова, які прадугледжвае аднаўленне замку часоў Стэфана Баторыя.
Зараз на Замкавай гары ўстанаўліваюць агароджу, а каля ўваходу ў замак валяць дрэвы. Рэканструкцыя Старога замка будзе доўжыцца некалькі гадоў. На першы этап грошы ўжо выдзелены.
«Асноўныя работы не пачнуцца, пакуль не будуць выкананы падрыхтоўчыя работы, — расказвае майстар „Гроднажылбуда“ Ігар Яшчук. — Зараз галоўная задача — адгарадзіць пляцоўку і паваліць дрэвы. Рыхтуемся ў бліжэйшы час да заезду тэхнікі. Будзе зроблены дадатковы мост.
Нашыя рабочыя ўсведамляюць адказнасць, якая перад імі стаіць. Усе працы будуць весціся пад наглядам навуковых работнікаў. У нас ёсць ужо невялікі досвед падобных работ са старымі аб’ектамі. Напрыклад, будынак на Кірава ў цэнтры Гродна, комплекс у Свяцку і іншыя аб’екты».
У бліжэйшы час на тэрыторыі замка пачнуцца чарговыя археалагічныя раскопкі.
У АУС Гродна сфармавалі спісы найбольш актыўных футбольных заўзятараў і "дэструктыўна настроеных грамадзян". Туды ўвайшло…
Да 1 траўня ў Гродне адкрыюць амбулаторыю ў Грандзічах, уключаць фантаны. Само свята пачнецца з…
Сілавікі знайшлі чатырох непаўналетніх у Гродне і вобласці, якія распаўсюджвалі экстрэмісцкія матэрыялы. Пра гэта напісана…
На "Гродна Азот" усё часцей спрацоўвае пажарная сігналізацыя - у параўнанні з першым кварталам мінулага…
З 21 красавіка на маршруце Гродна-Мінск большасць маршрутак заменяць кітайскімі аўтобусамі Zhong Tong. Транспарт закуплялі…
Зараз праз памежныя пераходы ў Мядзінінкай (з беларускага боку Каменны Лог) і Шальчынінкай (Беняконі) можна…