Гродзенец Аляксандр Аўгусцінчык набыў сабе незвычайны апарат — монакола — і штодня ездзіць на ім на працу. Што гэта такое і як на ім ездзіць, мужчына распавёў Hrodna.life.
Аляксандр год таму перабраўся з Гродна ў Маскву, дзе працуе менеджарам. Перад мужчынам стала пытанне: як дабірацца на працу? На машыне і метро доўга. Аднойчы гродзенец убачыў у знаёмага незвычайнае кола, якое той выкарыстоўваў штодня ў якасці транспарту.
«Паспрабаваў праехацца — спадабалася, — распавядае Аляксандр. — Прыйшоў дадому, пралічыў эканамічную мэтазгоднасць. Кола развівае хуткасць каля 30 км/г, праязджае да 40 км на адным зарадзе. Адна зарадка — менш кілавата, а на беларускія грошы гэта ўсяго 6 капеек. Я зразумеў, што гэта вельмі выгадна».
Аляксандр вучыўся кіраваць колам каля гадзіны. За першы тыдзень удалося праехаць каля 200 км. Першы час хлопец падаў, але зараз без праблем у любое надвор’е, акрамя зімы, дабіраецца на ім на працу.
«Усяго мне трэба пераадолець 10 км — на гэта ў мяне сыходзіць 40 хвілін сярэдняга тэмпу. На метро я буду дабірацца 1,5 гадзіны, а на машыне 2.5. У Маскве такі транспарт мала ў каго ўбачыш, а для Гродна гэта наогул дзіва. Людзі іншы раз не разумеюць на чым гэта я еду. Кажуць: «Будучыня наступіла».
Сёння монакола можна купіць па цане да 1000 долараў. Асноўны вытворца — Кітай.
"Гродна. Турыстычная карта для гасцей горада" выйдзе накладам 6000 штук. Усе асобнікі будуць толькі на…
На таргі выставілі ўчастак каля кальцавой развязкі праспекта Касманаўтаў і вуліцы Карскага. Згодна з прызначэннем…
Сэрвіс карт ад Google абнавіў спадарожнікавыя фатаграфіі Гродна. На іх можна ўбачыць найбуйнейшыя будоўлі горада,…
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Праз дарогу ад гандлёва-забаўляльнага цэнтра Triniti на праспекце Янкі Купалы прадаюць трохпакаёўку ў новым доме.…
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…