Футбалісты «Нёмана» не здолелі ў суботу 26 жніўня ў Віцебску абыграць мясцовую каманду. Матч паміж супернікамі скончыўся з лікам 2:2. З-за страты ачкоў на поўначы Беларусі, супернікі ў турнірнай табліцы ўшчыльную наблізіліся да гродзенскай каманды.
Супернікі ў Віцебску пачалі матч вельмі актыўна, але забіць на першых хвілінах нікому не ўдалося. Толькі на 16-й хвіліне гродзенцы здолелі распячатаць вароты гаспадароў. Бебе нечакана апынуўшыся ў штрафной суперніка, скарыстаўся дакладным пасам партнёраў і адправіў мяч у вароты «Віцебска».
Гаспадары адказалi праз 7 хвілін. Гол «Нёману» забілі два былых футбаліста гэтай каманды. Салавей са стандарту дакладна навесіў на галаву Вяргейчыку які і забіў у вароты Курганскага.
Пасля ўзяцця варот «Нёмана» гаспадары не спыніліся і яшчэ больш вялікімі сіламі пайшлі наперад, што і прынесла вынік. На 31-й хвіліне Вяргейчык падае ля штрафной гродзенцаў, суддзя ўгледзіў парушэнне і прызначыў штрафны, які добра рэалізаваў бразільскі легіянер «Віцебска» Ледэсма.
Пасля двух прапушчаных галоў падапечныя Ігара Кавалевіча кінуліся адыгрывацца, але да перапынку жоўта-зялёным нічога не ўдалося зрабіць.
У другім тайме ва ўзмацненне сваёй камандзе Кавалевіч выпусціў Глеба і Савіцкага, а пасля і Зубкова. Гродзенцы атакавалі на працягу ўсяго другога тайма, і дзякуючы гэтаму, ўдалося зраўняць лік. Важны гол на 77-й хвіліне на свой рахунак запісаў Павел Савіцкі.
Здавалася б гродзенцы змогуць даціснуць «Віцебск», бо увесь час ішлі наперад і білі па варотах, але гаспадары здолелі адстаяць да канца матчу.
Варта адзначыць, што ў «Віцебска» было толькі 2 ўдару ў створ варот «Нёмана» і свае моманты яны рэалізавалі. Гродзенцы ў чатыры разы перабілі суперніка, але здолелі забіць толькі 2 галы.
«Віцебск» — «Нёман» — 2: 2
Барацьба за чацвёртае месца абвастраецца. «Нёман» цяпер дзеліць гэта месца са «Слуцкам», у каманд па 33 ачкі, далей ідзе «Віцебск» — 32 і «Тарпеда-БелАЗ» — 31.
Зараз у чэмпіянаце надыходзіць міжнародная паўза. Свой наступны матч «Нёман» правядзе ў Гродне 11 верасня, дзе будзе прымаць магілёўскі «Днепр».
У АУС Гродна сфармавалі спісы найбольш актыўных футбольных заўзятараў і "дэструктыўна настроеных грамадзян". Туды ўвайшло…
Да 1 траўня ў Гродне адкрыюць амбулаторыю ў Грандзічах, уключаць фантаны. Само свята пачнецца з…
Сілавікі знайшлі чатырох непаўналетніх у Гродне і вобласці, якія распаўсюджвалі экстрэмісцкія матэрыялы. Пра гэта напісана…
На "Гродна Азот" усё часцей спрацоўвае пажарная сігналізацыя - у параўнанні з першым кварталам мінулага…
З 21 красавіка на маршруце Гродна-Мінск большасць маршрутак заменяць кітайскімі аўтобусамі Zhong Tong. Транспарт закуплялі…
Зараз праз памежныя пераходы ў Мядзінінкай (з беларускага боку Каменны Лог) і Шальчынінкай (Беняконі) можна…