Здароўе і спорт

Ліга Чэмпіёнаў: Знаёмімся з супернікамі «Нёмана»

Да старту «Нёмана» ў Лізе Чэмпіёнаў засталося амаль два тыдні. Hrodna.life прапануе пазнаёміцца ​​з супернікамі гродзенцаў у Еўракубку. У сваім квартэце камандзе Сяргея Пушкова давядзецца згуляць па два матчы з аўстрыйскай камандай «Вена Кэпіталз», швейцарскім «Цугам», а таксама фінскай дружынай «Ювяскюля».

Для «Нёмана» старт у Лізе Чэмпіёнаў будзе другім у гісторыі. Упершыню чырвона-чорныя выступілі ў прэстыжным турніры ў 2015 годзе, тады гродзенцаў трэніраваў чэшскі спецыяліст Мілаш Голань. Аднак яго каманда не здолела пераадолець групавы раўнд. У гэтым годзе, з новым трэнерам, «Нёман» паспрабуе зрабіць тое, што не атрымалася два гады таму. У наступны раўнд турніру выходзяць дзве лепшыя каманды з групы.

ХК «Вена Кэпіталз»

Каманда прадстаўляе сталіцу Аўстрыі. Сваіх супернікаў аўстрыйцы будуць прымаць на арэне «Альберт Шультз», якая знаходзіцца ў Лядовым спартыўным цэнтры Кагран у Вене. Умяшчальнасць арэны 7022 чалавек.

У наймацнейшым дывізіёне чэмпіянату Аўстрыі «Вена» гуляе з сезона 2000/2001. За гэты час каманда толькі раз выйгравала чэмпіёнскі тытул — у 2005 годзе. З тых часоў «Кэпіталз» двойчы выйгравалі рэгулярны чэмпіянат, а таксама двойчы гулялі ў фіналах плэй-оф у 2013 і 2015 гадах.

У 2017 годзе клуб выйграў фінал плэй-оф аўстрыйскай Эрсте Лігі і забяспечыў сабе ўдзел у Лізе Чэмпіёнаў.

Аўстрыйцы пачынаюць Лігу Чэмпіёнаў у гэтым годзе менавіта з гульні ў Гродне супраць «Нёмана», якая пройдзе 25 жніўня. Матч у адказ супернікі згуляюць у Аўстрыі 2 верасня.

ХК «Цуг»

Горад Цуг у цэнтральнай Швейцарыі з’яўляецца сталіцай аднайменнага кантона. Насельніцтва кантона 100 тыс. чалавек, з іх 26 тыс. жывуць у сталіцы. Горад размешчаны на беразе вялізнага Цугскага возера.

ХК «Цуг» з’явіўся ў 1967 годзе. Большую частку сваёй гісторыі «Цуг» з’яўляўся моцным серадняком, каманда толькі раз перамагала ў чэмпіянаце Швейцарыі, здарылася гэта ў сезоне 1997−98. У 2017 годзе «Цуг» стаў другім у нацыянальным першынстве.

Каманда прымае сваіх супернікаў на «Босард Арэне», яе ўмяшчальнасць 7015 чалавек.

Швейцарцы граюць першы матч з «Нёманам» у Гродне 27 жніўня, а ў апошні дзень лета ўжо будуць прымаць беларускую каманду ў сябе дома.

ХК «Ювяскюля»

Гэтая дружына прадстаўляе горад з цэнтральнай Фінляндыі пад назвай Ювяскюля, насельніцтва якога 137 тыс. чалавек. Каманда выступае на пляцоўцы «Сінэргіі Арэна», умяшчальнасць якой 4628 чалавек.

Клуб з Ювяскюля выступае ў СМ-Лізе. Заснаваны ў 1977 годзе. У 2017 годзе каманда «Ювясклюля» заняла трэцяе месца ў мясцовым чэмпіянаце.

З гродзенцамі першы матч фіны згуляюць у сябе дома, пройдзе гэта 3 кастрычніка. Матч у адказ гэтай пары адбудзецца ў Гродне праз тыдзень, 10 кастрычніка.


Што супернікі думаюць пра бліжэйшыя супрацьстаяннi, можна паглядзець на афіцыйным сайце Лігі Чэмпіёнаў.

А вось такую візітную картку пра сабе падрыхтаваў ХК «Нёман».

Падзяліцца
Меткі: відэаспорт

Апошнія запісы

Колькасць вакансій у Гродне за паўтара года вырасла ўдвая. Больш за палову зараз — працоўных прафесій

У рэспубліканскім банку вакансій у Гродзенскай вобласці зарэгістравана 20 125 вакансій, з іх 6 908…

20 верасня 2024

Мост пад Гроднам, які змыла летам, аднаўляюць. У канструкцыі ўлічаць змену клімату

Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…

20 верасня 2024

Два падлеткі са Слоніма атрымалі крымінальную справу — за што?

Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…

19 верасня 2024

Стала вядома, колькі будзе каштаваць кватэра ў новым мікрараёне «Вясенні»

Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…

19 верасня 2024

Гродзенцы абурыліся з-за платнай паркоўкі ля адной з новабудоўляў - $ 2000 за месца

Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…

19 верасня 2024

Пад Гроднам прадаюць гатовы бізнес па вырошчванні дурніц

Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…

19 верасня 2024