Праз 20 дзён пасля прэзентацыi адноўленых карт Лапіных прададзена ўжо каля 1000 калод. Ажыятаж на гродзенскую прадукцыю вялікі і не толькі ў Гродне. Пра гэта распавёў Hrodna.life адзін з аўтараў праекта па аднаўленні даваенных гродзенскіх карт Антон Янкоўскі.
Вялікi продаж карт пачаўся адразу пасля прэзентацыі прадукцыі. Куплялі карты Лапiных як моладзь, так і людзі старэйшага ўзросту.
«Калі лічыць, што наш праект падтрымалі на «Талацэ», а таксама крамы, якія бралі прадукцыю на рэалізацыю, то на сённяшні дзень прададзена каля 1000 асобнікаў, — распавядае Антон. — Вельмі прыемна, што людзі купляюць карты з вялікім задавальненнем. Гэта значыць, карты ў нас атрымаліся, яны зараз вельмі папулярныя.
Мы цяпер ездзім па фестывалях і там таксама карты карыстаюцца попытам. Напрыклад, на апошнім у Гродне многія людзі праходзілі і, затрымаўшыся, пыталіся: «Гэта тыя самыя карты, якія знайшлі на Будзёнага?»
Зараз у планах Антона і яго каманды працаваць на тым, каб новыя карты Лапіных з’явіліся як мага хутчэй і e розных крамах Гродна і іншых гарадах. Напрыклад, у Гродне акрамя крамы «Кубік» карты можна купіць яшчэ ў краме «Лёля». Цана на прадукцыю ад 5 рублёў. У бліжэйшы час карты павінны з’явіцца і ў Новым замку.
«Наша галоўная задача — каб карты былі даступныя ў розных крамах і месцах. Палову першай партыі мы ўжо прадалі. Калі продаж пойдзе і далей актыўна, то перад Новым годам зробім перавыданне».
Не выключана, што ў 2018 годзе творчае згуртаванне А4 выпусціць іншыя карты Лапіных. Магчыма, гэта будзе Рэйнская калода ці покерная. Але пра гэта пакуль казаць рана. Зараз каманда стварае ўласны сайт, а таксама працуе над стварэннем новай настолкі.
[irp posts="6888″ name="Чым заняцца зімовым вечарам: 7 настольных гульняў для кампаніі"]
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…