У другі дзень Біг-міні-фэсту гараджане і гасці горада ўпершыню маглі пазнаёміцца з мясцовым гуртам RBT (рок бывае такi). Канцэрт маладога калектыву прайшоў у дворыку па вуліцы Ажэшкі, 1.
RBT — група энтузіястаў, ніводзін з іх не мае прафесійнай музычнай адукацыі. Але, нягледзячы на гэта, хлопцы граюць і на першы іх канцэрт сабралася нямала чалавек.
«Гэта наш першы выступ. Задумка была даць канцэрт для сваіх, ну і для выпадковых гледачоў, — распавядае бубнач гурта Раман Алешка. — Наш гурт гэта калектыў адной кампаніі. Аднойчы мы сабраліся і пачалі граць. І вось ужо некалькіх гадоў мы збіраемся па выходных на рэпетыцыі».
Доўгі час музыкі саромеліся граць на публіцы, але 30 ліпеня вырашылі выступіць на вуліцах горада.
«Ад выступу атрымалі вялікі вопыт і задавальненне. Спадзяемся, мы спадабаліся публіцы. Мы пішам зараз альбом і хутка гатовы будзем яго прэзентаваць. А пакуль нашы песні актыўна круціць гродзенскае тэлебачанне і радыёстанцыі», — дадаў Раман.
Усе песні гурт піша сам. Аўтар большасці тэкстаў - саліст калектыву Андрэй Андрушэвiч, які жыве ў Мінску і час ад часу прыязджае ў Гродна.
У песнях RBT шмат асабістых перажыванняў саліста ў складанай жыццёвай сітуацыі. Спяваюць хлопцы як на рускай так і беларускай мове. Зусім нядаўна запісалі гімн Гродна пад назвай «Мая Гародня».
З творчасцю гурта RBT можна пазнаёміцца ў афіцыйнай групе Вконтакте.
На таргі выставілі ўчастак каля кальцавой развязкі праспекта Касманаўтаў і вуліцы Карскага. Згодна з прызначэннем…
Сэрвіс карт ад Google абнавіў спадарожнікавыя фатаграфіі Гродна. На іх можна ўбачыць найбуйнейшыя будоўлі горада,…
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Праз дарогу ад гандлёва-забаўляльнага цэнтра Triniti на праспекце Янкі Купалы прадаюць трохпакаёўку ў новым доме.…
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…