Суддзя Ленінскага суду Гродна Ксенія Стасюкевіч у выніку разгляду пазову лідара гарадзенскага БНФ Вадзіма Саранчукова да гродзенскага тэлебачання не задаволіла яго іск аб абароне гонару, годнасці і дзелавой рэпутацыі, паведамляе Беларускае Радыё Рацыя. Суддзя цягам дасудовага разбіральніцтва і судовага паседжання так і не адважылася выклікаць аніводнага з аўтараў фільму як сведак. Дзяржаўнае тэлебачанне прадстаўляў толькі яго юрыст.
Падставай для скаргі стаў відэаматэрыял журналістаў пад назвай «Маршем в никуда», у якім, на думку Вадзіма Саранчукова, у дачыненні да яго асобы былі прадстаўлены непраўдзівыя звесткі, якія зневажаюць яго і прыносяць шкоду дзелавой рэпутацыі. Суддзя Ксенія Стасюкевіч ужо правяла даследаванне доказаў па справе. Выступіў прадстаўнік грамадскасці Юры Чавусаў, які пацвердзіў, што звесткі, прадстаўленыя ў фільме «Маршем в никуда» непраўдзівыя, а таму іскавыя патрабаванні Саранчукова павінны быць задаволеныя. На рэпліку адказчыка, якога прадстаўляе Барыс Міцэвіч, давесці яму, што Саранчукоў любіць дзяржаву Беларусь, Юры Чавусаў сказаў: «Ён можа і на Канстытуцыі паклясціся».
[irp posts="27 187″ name="Гродзенец супраць гродзенскага тэлебачання: грамадскі актывіст Вадзім Саранчукоў абараняе годнасць у судзе"]
Фактычна суд дайшоў да абсурду і прызнаў, што аўтараў фільма няма. Усё разбіральніцтва такім чынам насіла фармальны характар, а рашэнне было вызначана загадзя. Адзінае, што суддзя Стасюкевіч вынесла прыватнае вызначэнне на адрас тэлебачання за тое, што яно ў час не ўведаміла належна Саранчукова перад судовым разбіральніцтвам пры перапісцы бакоў. Вадзім Саранчукоў катэгарычна не згодзен з такім рашэннем суда і мае намер абскарджваць яго ў судзе вышэйшай інстанцыі.
У рэспубліканскім банку вакансій у Гродзенскай вобласці зарэгістравана 20 125 вакансій, з іх 6 908…
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…