Згодна з яўрэйскім звычаем, хлопчыка ўпершыню стрыгуць толькі пасля таго, як яму споўніцца тры гады. У Беларусі гэтай традыцыі прытрымліваюцца рэлігійныя яўрэйскія сям'і, а ў Ізраілі гэта даволі распаўсюджаная практыка. На першую стрыжку самага малодшага сына гродзенскага рабіна Іцхака Кофмана з’ехаліся госці з усёй Беларусі, была запрошаная ўся мясцовая абшчына. Мерапрыемства прайшло ў гродзенскай сінагозе ў нядзелю 9 ліпеня.
Для сям'і Кофман стрыжка малодшага сына — вялікае свята. У гэты дзень Эліяў Пінхасу не толькі пачалі падстрыгаць доўгія валасы, але і ўпершыню пазнаёмілі з алфавітам. Згодна з традыцыяй у дзень, калі яўрэйскаму хлопчыку спаўняецца 3 гады, ён павінен чытаць літары алфавіту і злізваць мёд, каб у будучыні вучоба далася яму лёгка.
Пачалі стрыжку Эліяў бацькі, а пасля далучыліся ганаровыя госці - рабіны з іншых гарадоў Беларусі. Пасля нажніцы перадаваліся іншым гасцям. У асноўным валасы хлопчыку стрыглі мужчыны.Ва іудаізме ўзрост 3-х гадоў - важная для хлопчыкаў мяжа, як вонкава, так і ў плане выхавання. Тора параўноўвае чалавека з палявым дрэвам. У пісаннi ёсць запаведзь, якая забараняе есцi плады першых трох гадоў пасля пасадкі. Таксама і дзіця да трох гадоў не гатовае да вучобы і выхавання. А з трох гадоў яго можна і трэба вучыць ды выхоўваць у духу Торы.
У рэспубліканскім банку вакансій у Гродзенскай вобласці зарэгістравана 20 125 вакансій, з іх 6 908…
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…