Урокі польскай, займальныя гісторыі падарожнікаў, а таксама шмат карыснай інфармацыі аб візах, адукацыйных праграмах за мяжой і не толькі можна было пачуць цягам пяці гадзін фестывалю «Самаход», што прайшоў у Гродне 1 ліпеня.
«Мы стараемся запрашаць цікавых лектараў, супрацоўнічаць з рознымі парталамі і актывістамі,» — кажуць арганізатары. У гэтыя ж выходныя фестываль перамесціцца ў Свіслач, потым у Зэльву. Там ён будзе доўжыцца па тры гадзіны ў кожным горадзе.
Рух «У Беларусь і Еўропу без візы» праводзіць не толькі гэты фестываль. Адзін з апошніх праектаў прапануе напісаць ліст міністру замежных спраў Беларусі з пытаннем, калі беларусы будуць плаціць за візу ў Еўрасаюз па 35 еўра замест цяперашніх 60. Таксама валанцёры бязвізавага руху ўдзельнічаюць у абмеркаваннях пытанняў турызму для людзей з абмежаванымі магчымасцямі, публікуюць у медыя матэрыялы аб падарожжах, натхняюць людзей распавесці свае візавыя гісторыі, дзяліцца лайфхакі атрымання віз і эканомных перасоўванняў.
Удзел у ініцыятыве «У Беларусь і ў Еўропу без візы» дае магчымасць новых знаёмстваў з захопленымі падарожжамі людзьмі. «Палова валанцёраў - гэта мае блізкія знаёмыя і сябры, фестываль дае шмат цікавых кантактаў», — распавядае Вольга, адна з валанцёрак фестывалю. Для яе ўдзел у «бязвізавым» руху стаў і формай арганізацыі вольнага часу, і магчымасцю самаадукацыі, і спосабам лепш пазнаваць свет.
У рэспубліканскім банку вакансій у Гродзенскай вобласці зарэгістравана 20 125 вакансій, з іх 6 908…
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…