Жанчын – 30 , Мужчын – 154. Такі скад удзельнікаў VII Марафону сяброўства Гродна-Друскіненкай, што зарэгістраваліся на ўдзел у спаборніцтве праз сайт на 28 чэрвеня. Электрорнная рэгістрацыя на марафон будзе спынена за 3 дні да старту. Стартаваць сёлетні марафон будзе 9 ліпеня з Гродна.
Сярод зарэгістраваных удзельнікаў больш сотні беларусаў, другія па колькасці – літоўцы (40 удзельнікаў), трэція – грамадзяне Расіі (13 чалавек). Ад 1 да 6 удзельнікаў будуць прадстаўляць Польшчу, Чэхію, Латвію, Велікабрытанію, Эстонію, Фінляндыю, Італію, Данію, Германію і Злучаныя Штаты Амерыкі.
Самым маладым з зарэгістраваных удзельнікаў з’яўляецца Арцём Ільін з Калінінграда (1997 г.н.). Самым старэйшым – Уладзімір Бачанаў з Мінска (1946 г.н.).