Ужо 24 чэрвеня на штучным полi ЦСК «Нёман» гродзенскія «Варвары» правядуць першую летнюю адкрытую трэніроўку па амерыканскім футболе, дзе будуць чакаць хлопцаў, якія хочуць паспрабаваць сябе ў гэтым спорце. А 1 ліпеня ўпершыню на трэніроўцы будуць чакаць i дзяўчат.
Пасля Кубка Монтэ Кларка ў гродзенскiх футбалістаў наступіў невялікі перапынак у сезоне, гэты час якраз дазваляе правесці чарговы набор у каманду. Плануецца, што за ліпень і жнівень «Варвары» правядуць 4 адкрытыя трэніроўкі, на якіх знойдуць новых гульцоў.
«Для ўсіх пачаткоўцаў, якія жадаюць паспрабаваць свае сілы ў амерыканскім футболе, ёсць толькі адзiн крытэрый набору — узрост. Трэба каб было 18 гадоў, — распавядае галоўны трэнер «Варвараў» Аляксей Серабракоў. — У апошнія гады перыядычна прыходзілі да нас у каманду запыты і ад дзяўчат, якія хацелі б паспрабаваць сябе ў амерыканскім футболе. Але ў той час у нас не хапала чалавечага рэсурсу, для вядзення яшчэ і жаночай каманды.
Цяперу нас паспеў галоўны трэнер для каманды дзяўчат, ёю стане Анастасія Бельская, жонка нашага гульца і аднаго з заснавальнікаў каманды, якая ўжо шмат гадоў знаходзіцца ў адміністрацыі «Варвараў». Анастасія пастаянна дапамагае арганізоўваць гульні, заўсёды знаходзіцца на краі і ведае футбол лепш за многіх дзеючых гульцоў. Натуральна, я буду дапамагаць ёй у гэтай справе.
Спачатку дзяўчаты пойдуць тым жа шляхам што і мужчынская каманда. Пачнем са сцяг-футбола (бескантактная версія). Калі ўсё пойдзе добра, то праз 2−3 гады паспрабуем апрануць іх у форму, калі будзе жаданне, сэнс і склад. Што тычыцца трэніровак, то пакуль яны будуць праходзіць паралельна з мужчынскай камандай".
Таксама Аляксей Серабракоў не хавае, што рана ці позна «Варвары» абавязкова прыйдуць і да набору юніёрскіх каманд. Але гэта адбудзецца не раней, чым у 2018 годзе.
Бліжэйшыя адкрытыя трэніроўкі запланаваны на 24 чэрвеня і 1 ліпеня. Пачатак у 18:15. Месца правядзення штучнае поле ЦСК «Нёман».
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…