Гродзенка Ліля Шапялевіч заняла першае месца на міжнародным конкурсе «Гісторыя маёй сям'і» у Ізраілі. Конкурс быў арганізаваны Музеем яўрэйскага народа (Бэт Атфуцот) у Тэль-Авіве і праходзіў у 22-i раз. Удзельнікі павінны былі прадставіць працы, у якіх даследаваліся і ў мастацкай форме прадстаўляліся найбольш значныя для сям'і канкурсанта моманты яўрэйскага жыцця: гістарычная памяць, каштоўнасці, культура i лад жыцця.
У конкурсе спаборнічалі ўдзельнікі з краін Лацінскай Амерыкі, ЗША, Канады, Еўропы, Аўстраліі, Паўднёвай Афрыкі і краін былога Савецкага Саюза. У самай рознай форме дзеці прадстаўлялі гісторыі сваіх сем’яў: арыгінальныя вырабы, рукатворныя кнігі, сямейныя альбомы i фільмы. Журы ацэньвала, наколькі глыбока раскрытая абраная тэма, мастацкія і эстэтычныя вартасці працы, яе пазнавальнае значэнне.
Узнагароды размяркоўваліся па чатырох рэгіёнах свету. Гродзенка Ліля стала першай у рэгіёне «Еўропа і былыя краіны Савецкага Саюза». Яна была адзіным прадстаўніком Беларусі, які выйшаў у фінал конкурсу. Яе праца — фільм «Я і дом мой» — набраў найбольшую колькасць балаў па ўсіх крытэрыях.
Ліля ў фільме распавяла пра гісторыю сваёй сям'і: прадставіла радавод і распавяла пра асноўныя падзеі. Напрыклад, пра тое, што яе дзядзька стаў ініцыятарам раскопак месца расстрэлу яе прадзядулі Хаіма і яшчэ 50 жыхароў Дзярэчына падчас вайны. Месца знайшлі - там шукаў гродзенскі пошукавы атрад. Таксама гродзенка распавяла пра ўдзел дзяцей сям'і Шапялевіч у міжнароднай віктарыне па Танах, дзе яны паспяхова выступаюць на працягу некалькiх гадоў.
У рэспубліканскім банку вакансій у Гродзенскай вобласці зарэгістравана 20 125 вакансій, з іх 6 908…
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…