У інтэрв'ю «Прессболу» галоўны трэнер «Нёмана» Ігар Кавалевіч распавёў, што капітана гродзенцаў Паўла Савіцкага незаслужана крытыкуюць, негледзячы на тое, што ён зараз адзін з найлепшых футбалістаў Беларусі.
«Савіцкі ярка выражаны лідар каманды. У Гродне ён ім быў заўсёды, а цяпер наогул раскрыўся. Харызматычны чалавек, якому незаслужана прыляпілі нейкі дзіўны імідж. Сёння Павел — адзін з найлепшых футбалістаў Беларусі. Статыстыка штука ўпартая: тое, што ён забіў сем галоў, гуляючы правым паўабаронцам, кажа пра многае.
Але не ўсім ён падабаецца — нават у добрым Савіцкiм хочуць знайсці нейкія дрэнныя якасці. Ведаеце, ёсць у нас нейкая «жаба», якая многіх душыць — і спецыялістаў, і заўзятараў. Вось і палошчуць Пашу на ўсе лады. Але на дадзеным этапе ён сваёй гульнёй проста заткнуў усім рты.
У гісторыі суверэнных чэмпіянатаў краіны няма ні аднаго хаўбэка з такой статыстыкай: 44 галы ў 166 гульнях. Гэта не лічачы Кубка і матчаў за розныя зборныя. А яго ўсё «сціраюць»… «, — распавёў Кавалевiч.
Пасля 11 тураў сёлетняга чэмпіянату Беларусі Павел Савіцкі ўзначальвае спіс бамбардзіраў з 7 забітымі мячамі.
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…