Невядомыя падпалілі закінуты гродзенскі піўзавод

Будынак былога піваварнага завода ў цэнтры Гродна загарэўся ў нядзелю 21 мая. Да месца ўзгарання прыбыло больш за дзясятак пажарных машын. Па словах відавочцаў, пажар пачаўся каля 16.00. Меркаваная версія здарэння — падпал.

[irp posts="22 784″ name="В Гродно горит пивзавод (+ новые фото с места пожара)"]

Адныя з сведак здарэння, хлапчукі, якiя трапiлicя карэспандэнту Hrodna.life, паведамiлi, што будынак піўзавода падпалілі невядомыя ў масках, якія пасля схаваліся.

Апошнім часам шмат пісалася і гаварылася пра тое, што закінуты піўзавод ніхто не ахоўвае. Туды безперешкодна траплялі падлеткі. У міліцыі кажуць, што кожны тыдзень на тэрыторыі завода затрымлівалі людзей.

Стары гродзенскі піўзавод быў зачынены каля дзесяці гадоў таму. У 2014 годзе яго набыла кампанія «ЭкаПрамЭнерга» з Мінскай вобласці, якая абяцала рэканструяваць завод пад гандлёва-забаўляльны комплекс, але так гэтага і не зрабіла.

У 2017 годзе спецыялісты інстытута «Гроднаграмадзянпраект» правялі абследаванне комплексу будынкаў і прыйшлі да высновы: ёсць пагроза разбурэння аб’екта.

У Гродзенскі эканамічны суд пракурор горада прадставіў іск аб канфіскацыі аб’екта і скасаванні дагавораў куплі-продажу.

Пасля Міністэрства культуры прапанавала стварыць на базе старога піўзавода культурна-этнічны цэнтр. Яшчэ адну ідэю выказаў гродзенец Арцём Бубен, выпускнік палітэхнічнага каледжа. Распрацаваны ім праект прадугледжвае рэканструкцыю ўсіх будынкаў пад музейна-турыстычны комплекс, у які ўвойдуць хостел, рэстаран і музей.

Цяпер самая каштоўная і старая частка піўзавода засталася без даху.

На 19:00 вядома, што гродзенскія ратавальнікі ліквідавалі пажар на былым піваварным заводзе. У выніку пажару знішчаны дах па ўсёй плошчы будынка, выгарэлі памяшкання 3-га паверха. Пацярпелых няма. Усталяваннем абставінаў здарэння займаецца група спецыялістаў МНС, РАУС і следчага камітэта.