Абвешчаныя намінанты пятай прафесійнай музычнай прэміі Rock Profi 2017, якая ўручаецца па галасах беларускіх музыкаў у напрамках рок, індзі, альтэрнатыва. Сярод намінантаў фолк-рокавы гурт «Вочы» з Гродна.
Калектыў быў заснаваны Юрыем Дубовікам, лідарам культавай гродзенскай каманды «Воображаемые люди».
У 2016 годзе гурт выпусціў дэбютны альбом «Усё бачаць», які і прывёў да намінацыі на «Дэбют года». У гэтай намінацыі таксама прадстаўлены групы «Восьмыдзень» (Віцебск), Nebulae Come Sweet (Мінск), Witness Temple (Мінск).
soundcloud.com/tuzinhitou/sets/tuzinfm-2016
Больш за ўсё намінацый — чатыры — у гурта «Петля пристрастия». Тры — у Лявона Вольскага. Па дзве ў Mustelide і Shuma. У журы прэміі сёлета ўвайшлі больш за 50 сольных выканаўцаў і калектываў, якія выпусцілі паўнавартасныя альбомы ў 2014, 2015 і 2016 гадах. У рамках пяці асноўных намінацый было разгледжана 37 альбомаў і 60 песень, выпушчаных з 1 студзеня па 31 снежня 2016 года.
Арганізатарамі прэміі з’яўляюцца Дзмітрый Безкаравайны (Experty.by) і Павел Юрцэвіч (клуб ili).
Пераможцы прэміі будуць абвешчаныя 26 мая на цырымоніі Rock Profi 2017 у клубе ili. Пачатак мерапрыемства ў 20.00. У канцэрце прымуць удзел: True Litwin Beat, The Bangalors, Pink And Sweet.
Цырымонія пройдзе пры падтрымцы аркестра «18 Датчанаў». Кошт квіткоў: 10 руб. (папярэдне), 15 руб. (у дзень мерапрыемства).
«Лепшы альбом»: Лявон Вольскі «Псіхасаматыка», «Петля пристрастия» «Мода и облака», Mustelide «Spi», Shuma «Сонца»
«Лепшы запіс» (прыз гукарэжысёрам): Алег Доманчук за альбом «Петли пристрастия» «Мода и облака», Наталля Куніцкая за альбом Mustelide «Spi», Павел Сініла за альбом Re1ikt «Куфар», Alexis Scorpio за альбом Shuma «Сонца»
«Лепшая песня»: Лявон Вольскі «Гэй!», «Петля пристрастия» «Груз», NaviBand «Гісторыя майго жыцця», Nizkiz «Миражами»
«Дэбют года»: «Восьмыдзень», «Вочы», Nebulae Come Sweet, Witness Temple
«Артыст года»: Лявон Вольскі, «Дай дарогу», «Петля пристрастия», Brutto
У АУС Гродна сфармавалі спісы найбольш актыўных футбольных заўзятараў і "дэструктыўна настроеных грамадзян". Туды ўвайшло…
Да 1 траўня ў Гродне адкрыюць амбулаторыю ў Грандзічах, уключаць фантаны. Само свята пачнецца з…
Сілавікі знайшлі чатырох непаўналетніх у Гродне і вобласці, якія распаўсюджвалі экстрэмісцкія матэрыялы. Пра гэта напісана…
На "Гродна Азот" усё часцей спрацоўвае пажарная сігналізацыя - у параўнанні з першым кварталам мінулага…
З 21 красавіка на маршруце Гродна-Мінск большасць маршрутак заменяць кітайскімі аўтобусамі Zhong Tong. Транспарт закуплялі…
Зараз праз памежныя пераходы ў Мядзінінкай (з беларускага боку Каменны Лог) і Шальчынінкай (Беняконі) можна…