Часцей за ўсё ў Гродна і на тэрыторыю спецыяльнага турысцка-рэкрэацыйнага парку «Аўгустоўскі канал» прыязджаюць палякі. Сярод краін, жыхары якіх ахвотна наведваюцца на Гродзеншчыну, — Літва, Латвія, Германія, Італія, Вялікабрытанія. Аднак наш рэгіён наведваюць турысты не толькі з бліжэйшых дзяржаў. У гэтым годзе ў нас гасцявалі грамадзяне Аўстраліі, Мексікі, Нігерыі, Туніса і Японіі, піша grodnonews.by.
Турыстычны сезон пачаўся паспяхова: не раз у апошнія два месяцы ставіліся рэкорды па колькасці бязвізавых турыстаў, якія прыязджаюць да нас на выходныя. Запатрабаваныя ў замежнікаў экскурсійныя праграмы па значных аб’ектах гісторыка-
культурнай спадчыны Прынёманскага краю, аграэкасядзібы, адпачынак на прыродзе, прагулкі на цеплаходзе па Аўгустоўскім канале і веламаршруты. Апошніх, дарэчы, становіцца ўсё больш.
[irp posts="21 028″ name="Польскія велатурысты ў бязвізавым Гродне: Людзі ветлівыя і горад прыгожы, але для велааматараў непрыстасаваны""]
Плануецца, што неўзабаве на Аўгустоўскім канале адкрыецца 50-кіламетровы веламаршрут «Яцвяжскі», які прадугледжвае наведванне памятных гістарычных месцаў. Менавіта з яго замежнікі, якія перасякаюць мяжу на ровары ў пункце пропуску «Лясная-Рудаўка» будуць пачынаць знаёмства з беларускай часткай Аўгустоўскага канала. Маршрут прадугледжвае наведванне дотаў Гродзенскага ўмацаванага раёна № 68, славутасцяў, звязаных з падзеямі Першай сусветнай вайны, шлюзаў, музеяў, іншых месцаў,
якія распавядаюць пра гісторыю Аўгустоўскага канала і Гродзенскага краю.
[irp posts="20 595″ name="Па вадзе, на ровары і пешшу. Перайсці мяжу на Аўгустоўскім канале стала прасцей"]
А прагулкі на цеплаходзе «Нёман» ужо сталі абавязковай часткай азнаямленчых экскурсій па тэрыторыі турысцка-рэкрэацыйнага парку «Аўгустоўскі канал» і карыстаюцца вялікай папулярнасцю ў замежных турыстаў. Аматараў водных экскурсій цеплаход прымае штодня з раніцы і да позняга вечара. Цеплаход адпраўляецца ад прычала на шлюзе Дамброўка, здзяйсняе гадзінны шпацыр па канале. З адкрытай палубы адкрываецца від на маляўнічыя месцы памежжа, а самым цікавым момантам воднага падарожжа, як адзначаюць турысты, становіцца шлюзаванне.
У АУС Гродна сфармавалі спісы найбольш актыўных футбольных заўзятараў і "дэструктыўна настроеных грамадзян". Туды ўвайшло…
Да 1 траўня ў Гродне адкрыюць амбулаторыю ў Грандзічах, уключаць фантаны. Само свята пачнецца з…
Сілавікі знайшлі чатырох непаўналетніх у Гродне і вобласці, якія распаўсюджвалі экстрэмісцкія матэрыялы. Пра гэта напісана…
На "Гродна Азот" усё часцей спрацоўвае пажарная сігналізацыя - у параўнанні з першым кварталам мінулага…
З 21 красавіка на маршруце Гродна-Мінск большасць маршрутак заменяць кітайскімі аўтобусамі Zhong Tong. Транспарт закуплялі…
Зараз праз памежныя пераходы ў Мядзінінкай (з беларускага боку Каменны Лог) і Шальчынінкай (Беняконі) можна…