Некалькі сотняў чалавек ў нядзелю 30 красавіка наведала ўшанаванне хакейнага “Нёмана” на базе адпачынку “Прывал”, які ў сезоне 2016/2017 гадоў стаў уладальнікам Кубка Салея і Кубка прэзідэнта. На мерапрыемстве прайшло ўзнагароджанне гродзенскай каманды залатымі медалямі, фотасесія з заўзятарамі, ўручэнне самага вялікага вымпела у Беларусі, конкурсы з рознымі падарункамі, а таксама адбыўся канцэрт гурта “Бумбокс”.
Адмыслова ў гэты вечар для хакеістаў была зроблена чырвоная дарожка па якой яны прайшлі на галоўную сцэну, дзе ім уручылі залатыя медалі. Пасля ўзнагароджання і слоў падзякі як спонсарам, так і кіраўніцтву вобласці, камандзе Белпошта ўручыла больш за 3 тысячы лістоў, якія даслалі заўзятары ў знак падзякі за чэмпіёнства.
Свой жа падарунак “Нёману” зрабіў і гродзенскі фан-клуб. Фанаты ўручылі камандзе самы вялікі вымпел ў гісторыі беларускага хакея – гульцы і галоўны трэнер падзякавалі фан-клуб за такі падарунак і паабяцалі, што магчыма ў будучым ён будзе вісець у распранальні каманды.
А зрабіў лепш гэты святочны вечар гурт “Бумбокс”, які парадаваў гродзенцаў сваімі песнямі.
