Пять лаваў, абсталяваных сонечнымі панэлямі, ужо сёлета з’явіцца ў цэнтры Беластока, паведамляе «Kurier porannу». На іх можна будзе не толькі адпачыць, але і, напрыклад, падсілкаваць мабільнік. Зараз муніцыпалітэт абвясціў тэндар на пастаўку і ўстаноўку лавак.
На кожнай з лаваў прадугледжваецца ўсталяваць не менш, як два USB-парты для зарадкі электронных прыладаў і бесправадныя зарадныя станцыі. Працаздольнасць прыстасаванняў для падсілкавання мае быць не меншай за 10 гадзін на суткі. Тры з пяці лавак будуць дадаткова абсталяваны стойкамі для паркоўкі ровараў.
«Беласток стане адным з першых гарадоў ў Польшчы, дзе з’явяцца такія лаўкі. Цікавасць да іх увесь час расце, — кажа Адам Паліньскі, намеснік мэра Беластока. — Праз выкарыстанне сонечнай энергіі зніжаецца энергаспажыванне, што аказвае станоўчы ўплыў на навакольнае асяроддзе і якасць нашага жыцця».
Лаўкі павінны з’явіцца ў горадзе да канца чэрвеня. Кошт праекта 103,5 тыс. злотых (каля 26 тыс. еўра).
Ідэя ўстаноўкі такіх лаваў была абрана ў якасці аднаго з агульнагарадскіх праектаў, што будуць фінансавацца з «Грамадзянскага бюджэту-2017». За рэалізацыю праекта прагаласаваала 413 жыхароў Беластока. «Грамадзянскі бюджэт» гэта механізм, які існуе ў польскіх гарадах, дзякуючы якому кожны можа прапанаваць ідэю для горада, пасля чаго яны выносяцца на галасаванне. У гадавым бюджэце горада абавязкова выдзяляюцца сродкі на рэалізацыю ідэй грамадзян.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…