У Гродне з 15 сакавіка стартаваў набор дзяўчат на кастынг конкурсу прыгажосці «Міс Гродна-2017». Да 6 красавіка кожны аўторак і чацвер гродзенскія дзяўчаты могуць запаўняць анкеты. Сам кастынг адбудзецца 8 красавіка. Якія навінкі будуць у гэтым годзе на «Міс Гродна» і чаму дзяўчаты ідуць на конкурс, даведваўся Hrodna.life.
У першы дзень набору прыйшлі толькі дзве патэнцыйныя ўдзельніцы. Са слоў галоўнага прадзюсара конкурсу Ігара Ляговiча, дзяўчатам трэба час каб вырашыцца. Да таго ж, многія яшчэ не чулі пра набор.«Зараз мы набіраем дзяўчат не толькі з Гродна, але і з усяго рэгіёну. Чакаем каля 200 заявак. На старце яўка заўсёды такая слабая.
Прынцып конкурсу не змяняецца, ёсць пэўныя рамкі за якiя не выскачыш. У гэтым годзе мы пастараемся зрабіць адзiн з лепшых конкурсаў, бо ён у нас будзе юбілейным. Роўна 30 гадоў з моманту правядзення першага конкурсу прыгажосці „Міс Гродна“.
Плануем дадаць цікавых артыстаў. Таксама плануем на фінальнае шоў запрасіць усіх міс Гродна».
Конкурс для многіх дзяўчат пачынаецца з анкет: тое, як яны яе запоўняць, грае адну з важных роляў у адборы. Сам Ігар Ляговiч чакае ўбачыць на конкурсе актыўных, прыгожых і мэтанакіраваных гродзенскіх дзяўчат.
[irp posts="15 400″ name="Вясна-лета ад дызайнераў з трох краін: вялікі фотарэпартаж з Grodno Fashion Show"]
— Мне здаецца, паўдзельнічаць у гэтым конкурсе гэта вельмі цікава, можна атрымаць вялікі вопыт. Прыйшла сама, вядома ж, хочацца перамагчы. Вопыт у мяне невялікі: зусім нядаўна ўдзельнічала толькі ў «Grodno Fashion Show», але, мне здаецца, ёсць час яшчэ на падрыхтоўку.
Я прыняла ўласнае рашэнне. Мне цікава даведацца, што з сябе ўяўляе гэты конкурс, хачу ўсё адчуць на сабе. Раней у падобных мерапрыемствах я не ўдзельнічала, бо мне толькі споўнілася 18 гадоў. Але мадэльны вопыт у мяне ёсць.
Фінальнае шоў «Мiс Гродна-2017» запланавана на 19 траўня.
У рэспубліканскім банку вакансій у Гродзенскай вобласці зарэгістравана 20 125 вакансій, з іх 6 908…
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…