У Гродне ў 2017 годзе можа запрацаваць аўтаматычная сістэма фіксацыі парушальнікаў правілаў прыпынку і стаянкі. Пра гэта 31 студзеня ў час выніковай прэс-канферэнцыі паведаміў начальнік упраўлення ДАІ УУС Гродзенскага аблвыканкама Анатоль Кеўра, перадае карэспандэнт БЕЛТА.
«Спецыяльныя прыборы „ПаркРайт“, якія дазваляюць у аўтаматычным рэжыме фіксаваць парушэнні правілаў спынення і стаянкі, ужо атрыманыя намі. Зараз ідзе дапрацоўка праграмнага забеспячэння», — адзначыў Анатоль Кеўра. Прынцып працы прыбора просты: аўтамабіль ДАІ з устаноўленым у ім «ПаркРайтам» праязджае месца, дзе прыпынак забаронены, пры гэтым прыбор фатаграфуе аўтамабілі. Праз 5 хвілін спецтранспарт вяртаецца, і прыбор фіксуе, якія машыны былі на гэтым жа месцы пры першым праездзе. Як і ў выпадку з датчыкам кантролю хуткасці, пры парушэнні выносіцца пастанова і высылаецца ўласніку транспартнага сродку.
У базу дадзеных занесены ўсе асноўныя і найбольш праблемныя вуліцы горада. Першыя «лісты шчасця» ўладальнікі машын-парушальнікаў могуць атрымаць ужо на працягу 2017 года. Аб актуальнасці праблемы кажа і той факт, што толькі ў 2016-м колькасць зваротаў грамадзян з нагоды парушэнні правілаў спынення і стаянкі ўзрасла на 55%.
«Сёння мы ўжо ідзем да таго, што ў большасці выпадкаў парушэння будуць фіксавацца ў аўтаматычным рэжыме», — адзначыў Анатоль Кеўра. Ён падкрэсліў, што добра сябе паказалі ў гэтым плане комплексы фіксацыі парушэнняў хуткаснага рэжыму. Напрыклад, на трасе М6, адной з самых аварыйных у рэгіёне, за кошт прымянення падобных «радараў» удалося знізіць колькасць ДТЗ, такім чынам, і колькасць загінуўшых у аварыях людзей.
У 2017 годзе ў рэгіёне будзе ўстаноўлена 15 новых комплексаў фіксацыі парушэнняў. З’явяцца новыя датчыкі кантролю хуткасці ў самых аварыйна небяспечных месцах. Агульная іх колькасць у Гродзенскай вобласці перавысіць чатыры дзясяткі, акрамя таго, працягнуць працу тры мабільныя комплексы, якія могуць быць устаноўлены на любым участку дарогі ў горадзе ці за яго межамі.
У АУС Гродна сфармавалі спісы найбольш актыўных футбольных заўзятараў і "дэструктыўна настроеных грамадзян". Туды ўвайшло…
Да 1 траўня ў Гродне адкрыюць амбулаторыю ў Грандзічах, уключаць фантаны. Само свята пачнецца з…
Сілавікі знайшлі чатырох непаўналетніх у Гродне і вобласці, якія распаўсюджвалі экстрэмісцкія матэрыялы. Пра гэта напісана…
На "Гродна Азот" усё часцей спрацоўвае пажарная сігналізацыя - у параўнанні з першым кварталам мінулага…
З 21 красавіка на маршруце Гродна-Мінск большасць маршрутак заменяць кітайскімі аўтобусамі Zhong Tong. Транспарт закуплялі…
Зараз праз памежныя пераходы ў Мядзінінкай (з беларускага боку Каменны Лог) і Шальчынінкай (Беняконі) можна…