Гродзенскі «Нёман» пацярпеў другое паражэнне запар. На гэты раз дружына Сяргея Пушкова прайграла «Дынама-Маладзечна».
Каманды пачалі вельмі актыўна. Ужо на 34-й секундзе матчу лік быў 1:1. Спачатку Феактыстаў адкрыў лік, а пасля гродзенец Кіслы зраўняў яго. Але яшчэ да перапынку Лапачук вывеў «Дынама» наперад.
У другім перыядзе каманды не збавілі абароты і працягнулі гуляць у актыўны і відовішчны хакей. Як і ў першай дваццаціхвілінцы, «Нёман» прапусціў першы. На 32-й хвіліне Амбражэйчык падвоіў перавагу сваёй каманды. Праз дзве хвіліны «Нёман» скараціў адставанне да адной шайбы, адзначыўся Аляксандр Маляўка.
Трэці перыяд для гродзенцаў склаўся няўдала, каманда Сяргея Пушкова мела два добрыя шанцы закінуць, але ў абодвух выпадках рэалізаваць свае моманты чырвона-чорныя не змаглі. У выніку «Дынама» зарабляе трэцюю перамогу запар, а гродзенцы чарговую паразу.
«Дынама-Маладзечна» — «Нёман» 3:2 (2:1, 1:1, 0:0)
Галы:
00.22 1:0 — Феактыстаў (Землянкiн, Воранаў)
00.34 1:1 — Кіслы (Дарафееў, Лакканен)
07.54 2:1 — Лапачук (Спешылаў, Каскоў)
31.47 3:1 — Амбражэйчык (Феактыстаў, Ганчароў)
33.45 3:2 — А.Маляўка (Баярчук)
Галоўны трэнер «Нёмана» Сяргей Пушкоў пасля матчу адзначыў добрую гульню вратара суперніка, які не даў гродзенцам зраўняць лік.
«Лічу, абедзве каманды правялі добры матч. Адзінае што нам перашкодзіла дасягнуць перамогі - гэта дзве грубыя памылкі ў абароне, якімі і скарысталіся гаспадары. Мы мелі дастаткова шанцаў, каб не толькі выраўнаць матч, але і выйграць яго. Але з выхадамі 1 у 0 і з тымі момантамі, якія мы стваралі, вратар суперніка вельмі выдатна справіўся. А так нашыя хлопцы стараюцца і біліся да апошняй хвіліны. У канцоўцы, калі гулялі 6 на 5, у нас было дастаткова магчымасцяў, каб зраўняць лік, але нам не пашанцавала, таму што добра згуляў вратар суперніка».
Нягледзячы на два паражэнні запар, гродзенцы працягваюць утрымліваць другі радок у турнірнай табліцы. У «Нёмана» зараз 71 ачко, а ў найбліжэйшага пераследніка «Гомеля» — 63 ачкі. На пяршым месцы iдзе «Юнацтва» — 80 ачкоў.
Ужо ў наступным туры гродзенцы дома будуць прымаць свайго апошняга крыўдзіцеля «Дынама-Маладзечна». Матч пройдзе ў чацвер, 19 студзеня.
На таргі выставілі ўчастак каля кальцавой развязкі праспекта Касманаўтаў і вуліцы Карскага. Згодна з прызначэннем…
Сэрвіс карт ад Google абнавіў спадарожнікавыя фатаграфіі Гродна. На іх можна ўбачыць найбуйнейшыя будоўлі горада,…
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Праз дарогу ад гандлёва-забаўляльнага цэнтра Triniti на праспекце Янкі Купалы прадаюць трохпакаёўку ў новым доме.…
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…