Пасля працяглага перапынку аднавіўся чэмпіянат Беларусі па хакеі. У першым афіцыйным матчы 2017 года «Нёман» у Гродне абыграў «Гомель» з лікам 3:1.
Гульня паміж супернікамі атрымалася складаная, але цікавая. У першым перыядзе супернікі абмяняліся шайбамі. Спачатку Коласаў для «Гомеля» адкрыў лік на 12-й хвіліне, а ўжо на 18-й Сяргей Маляўка лiк выраўноўвае.
У другім перыядзе «Нёман» перакідаў свайго суперніка, але вызначыцца гродзенскай камандзе атрымалася толькi адзін раз. Дарафееў далёкім кідком рэалізаваў колькасную перавагу гаспадароў і вывеў сваю каманду наперад.
Заключная дваццаціхвілінка прайшла ў сур’ёзнай барацьбе, але госці ніяк не маглі зраўняць лік, тады галоўны трэнер «Гомеля» Алег Хмыль вырашаецца ў самым канцы матча зняць брамніка і выпусціць шостага гульца. Але не паспелі хакеісты «Гомеля» зраўняць лік, як Лакканен здолеў закінуць трыцюю шайбу ў пустыя вароты i зрабiць кропку ў матчы.
Галы:
11.53 0:1 — Коласаў (Топаль, Волчак)
17.57 1:1 — С.Маляўка (Баярчук)
36.40 2:1 — Дарафееў (Лакканен, Баярчук, — бол.)
59.32 3:1 — Лакканен (Стэфановіч, — П.В.)
Пасля перамогі над «Гомелем» галоўны трэнер «Нёмана» Сяргей Пушкоў адзначыў, што яму прыемна, што яго камандзе атрымалася давесці гульню да перамогі.
«Гульня атрымалася цікавай. Было зразумела, што паядынак будзе складаным для абедзвюх каманд — пасля перапынку, навагодніх святаў было складана вярнуцца ў гульнявой рытм, набраць фізічныя кандыцыі. Але хлопцы працавалі, абедзве каманды стараліся. Галы, якія мы забілі, працоўныя: дзесьці даціснуць, дзесьці своечасова клюшку падставілі. Хоць і госці мелі магчымасці забіваць, і ў нас былі моманты яшчэ. Думаю, першы матч пасля Новага года меў свае выдаткі. Задаволены, што давялі гульню да перамогі. І рабят нашых з перамогай — яны стараліся выконваць сёння тое, што мы планавалі».
У турнiрнай табліцы гродзенцы па ранейшаму ідуць на другой пазіцыі і маюць 71 ачко ў актыве. Лiдар табліцы «Юнацтва» — 77 ачкоў.
У чацвер, 12 студзеня, «Нёман» правядзе чарговы хатні матч, на гэты раз каманда Сяргея Пушкова сустрэнецца са жлобінскім «Металургам».
У рэспубліканскім банку вакансій у Гродзенскай вобласці зарэгістравана 20 125 вакансій, з іх 6 908…
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…