Гродзенскае ГА «Цэнтр «Трэці сектар» разам з польскім «Цэнтрам супрацы моладзі» шукаюць валанцёраў у Фундацыю сацыяльных зменаў «Kreatywni» у Гдыні, Польшча.
Арганізацыі запрашаюць да ўдзелу ў ЕВС-праекце з сакавіка 2017 тэрмінам на 1 год.
Дэдлайн для заявак 18 студзеня 2017, адбор да 30 студзеня.
Галоўная мэта Фундацыі - стварыць магчымасці для сацыяльна выключаных людзей і для людзей у бяспецы сацыяльнай ізаляцыі праз сацыяльныя актыўнасці, вулічныя актыўнасці, анімацыю і працу з мясцовай супольнасцю. Усе гэтыя актыўнасці базуюцца ў грамадскім цэнтры «Apteka» у раёне Gdynia Grabówek. У раёне жыве каля 5000 людзей, у тым ліку 600 чалавек, чые антысацыяльныя паводзіны ўплываюць на астатніх, таму метады найперш скіраваныя на інтэграцыю і актывізацыю.
Фундацыя праводзіць серыі варкшопаў, якія заахвочваюць да крэатыўнага і здаровага ладу жыцця (псіхалагічна-адукацыйныя варкшопы для дзяцей, моладзі ды іх бацькоў); сямейныя святы і падзеі, урокі ангельскай мовы для моладзі і сталых, сустрэчы з мясцовымі лідарамі, артыстычныя актыўнасці, гарбатныя вечарыны для мясцовых, варкшопы па попінгу і брэйкдансу, гімнастыцы, арт-тэрапіі, фота-варкшопы, фестывалі, перфомансы, рэгулярныя трэніроўкі па футболе, вулічныя актыўнасці.
Задачы
Валанцёры будуць дапамагаць з:
- — Анімацыяй у гульнях з элементамі вулічнай актыўнасці
- — Анімацыяй у культурніцкіх праектах
- — Арганізацыяй інтэграцыйных падзей
- — Арганізацыяй варкшопаў
- — Кансультацыямі для мясцовых жыхароў
Валанцёры будуць выкарыстоўваць групавы метад, дапамагаць са штодзённымі задачамі, звязанымі з арганізацыяй падзей ў грамадскім клубе «Аптэка». Яны таксама будуць дапагаць у планаванні, арганізацыі і ацэнцы інтэграцыйных і культурніцкіх падзей. Клуб адчынены з 10 да 20 гадзіны штодня і прапаноўвае шырокі спектр актыўнасцяў, таму валанцёр будзе мець магчымасць абраць актыўнасці, якія б супадалі з яго/яе перасанальнымі інтарэсамі. Валанцёры будуць працаваць да 8 гадзін на дзень, 5 дзён на тыдзень. Раз на месяц прадугледжана праца ў выходныя. Падрабязны расклад будзе абмяркоўвацца з валанцёрамі.
Крытэры адбору
Беларуская моладзь ва ўзросце ад 18 да 30 год, моладзі з Гарадзенскай вобласці будзе надавацца перавага.
Фундацыя шукае валанцёраў, якія цікавяцца інавацыйнымі праектамі і не баяцца працаваць у канфліктным і падзеленым асяроддзі. Базавыя веды ангельскай мовы і жаданне вывучаць польскую вітаюцца.
Заяўка
Каб паўдзельнічаць у адборы, неабходна запоўніць па-ангельску або па-польску і адаслаць заяўку да 18 студзеня на электронную пошту [email protected] з паметкай «EVS in Kreatywni».
Калі
Праект пачнецца ў сакавіку 2017 года і скончыцца праз год у лютым 2018.
Фінансавыя ўмовы
Усе выдаткі на праект, улічваючы транспарт, візавую падтрымку, пражыванне і харчаванне, аплочваюцца арганізатарамі.
Праект рэалізуюцца ў межах адной з акцый праграмы Еўразвяза «Эразмус плюс» — Еўрапейская валанцёрская служба (EVS).
