Фота: Ірына Новік
Пакатацца са снежных схілаў у Каробчыцах можна будзе ў пачатку наступнага тыдня. Снегавыя гарматы ў парку актыўнага адпачынку «Каробчыцкі Алімп» узяліся за працу каля дзвюх гадзін ночы 5 студзеня, піша grodnonews.by.
— Яны будуць працаваць, пакуль снежны насціл не стане дастатковым для арганізацыі катання, — распавёў начальнік парку актыўнага адпачынку «Каробчыцкі Алімп» Віктар Шумель.
Цыклон Axel прынёс у Гродна снегапады, і, калі яны паўторацца ў бліжэйшыя дні, першых наведвальнікаў каробчыцкія схілы змогуць прыняць раней. Але даваць аптымістычныя прагнозы аб пачатку працы ў наступныя выхадныя пакуль рана.
— Як толькі мы будзем гатовыя, паведамім у нашай групе ў сацыяльнай сетцы Вконтакте, — працягвае суразмоўца.
Цяпер да заезду аматараў актыўнага зімовага адпачынку ў «Каробчыцкім Алімпе» рыхтуюць першы схіл працягласцю крыху больш за 200 метраў. Як толькі ён будзе гатовы, прымуцца за астатнія.
— Начное катанне будзе арганізавана ў першы тыдзень сезону, — кажа Віктар Рамуальдавіч.
Калі надвор’е не паднясе сюрпрызаў у выглядзе рэзкага пацяплення (на шчасце, пакуль прагноз гэтага не абяцае), катанне адбудзецца ўжо ў наступную пятніцу. Пакатацца пры штучным святле можна будзе з дзесяці гадзін вечара да двух ночы.
У парку актыўнага адпачынку да сустрэчы першых наведвальнікаў гатовыя ўжо даўно. Тут зрабілі больш зручнай працу пад’ёмнікаў і змянілі працэс выдачы інвентара: пункт выдачы лыж і сноўбордаў у гэтым годзе размесціцца асобна ад пункта выдачы цюбінгаў. Пры дастатковай колькасці снегу пакатацца па схілах парку можна будзе і на снегаходзе.
Акрамя гэтага, навінай сезона, які вось-вось надыдзе, будзе праца пасуткавай камеры захоўвання для інвентара. Гэта зроблена для выгоды тых, хто аддае перавагу катацца на сваіх лыжах і сноўбордах.
У АУС Гродна сфармавалі спісы найбольш актыўных футбольных заўзятараў і "дэструктыўна настроеных грамадзян". Туды ўвайшло…
Да 1 траўня ў Гродне адкрыюць амбулаторыю ў Грандзічах, уключаць фантаны. Само свята пачнецца з…
Сілавікі знайшлі чатырох непаўналетніх у Гродне і вобласці, якія распаўсюджвалі экстрэмісцкія матэрыялы. Пра гэта напісана…
На "Гродна Азот" усё часцей спрацоўвае пажарная сігналізацыя - у параўнанні з першым кварталам мінулага…
З 21 красавіка на маршруце Гродна-Мінск большасць маршрутак заменяць кітайскімі аўтобусамі Zhong Tong. Транспарт закуплялі…
Зараз праз памежныя пераходы ў Мядзінінкай (з беларускага боку Каменны Лог) і Шальчынінкай (Беняконі) можна…