Бэтлеемскі агонь у гродзенскі Фарны касцёл з польска-беларускай мяжы прывезлі 21 снежня. Ягонае ўрачыстае прывітанне адбылося падчас літургіі. Ужо больш за 30 гадоў агонь з Бэтлеема — сімвал супакою і міру — загараецца па ўсёй Еўропе. Беларусь прымае ўдзел у гэтай еўрапейскай акцыі ў 17 раз.
Згодна традыцыi Бэтлеемскае Святло міру ў Гродна даставілі харцэры. У галоўным касцёле горада яго прымаў гродзенскi біскуп Аляксандр Кашкевіч, якi папрасіў усіх вернiкаў занесці гэты агонь не толькі ў свае дамы, але таксама да людзей самотных, абцяжараных цярпеннем з прычыны хваробы або пажылога ўзросту.
«Гэта ўжо ў 17-ы раз як агонь прыбывае да нас у Гродна. Агонь азначае радасць нараджэння Ісуса Хрыста, які і з’яўляецца Святлом мiру. Варта адзначыць, што гэты агонь запальваецца не нейкім чудатворным спосабам, а ён проста запальваецца ад лампадкі ў Гроце, дзе па паданню нарадзіўся Хрыстос. Пасля галоўнага запальвання, гэты агонь разыходзіцца па ўсёй Еўропе і ўсіх гарадах, у тым ліку прыходзіць і да нас «.
З 21 снежня ў Фарным касцёле можна будзе запаліць лампадку Бэтлеемскага агню і занесці да сябе дадому. Зрабіць гэта можна будзе штодня да 6 студзеня. Ужо пазней каталікі, як эстафету перададуць агонь гродзенскiм праваслаўным, так як у іх будзе пачынацца перыяд Каляд.
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…