Вялікі выкід гарачай вады і пара адбыўся ў зоне жылой забудовы на вуліцы Урублеўскага. Падтопленымi апынуліся прыдамавая тэрыторыя і падвал. У бліжэйшых жылых дамах, двух дзіцячых садках і школе адсутнічала цеплазабеспячэнне. Менавіта такі быў сцэнар вучэнняў гродзенскіх службаў па ліквідацыі аварыі на камунальна-энергетычных сетках, якія праходзілі 8 лістапада .
Усяго ў вучэннях было задзейнічана больш за 30 чалавек і 7 адзінак тэхнікі.
«Зыходзячы з вопыту здарэння ў 2012 годзе на вуліцы Татарскай, гэтаму пытанню — аварыям на ўчастках цепласетак — мы надаем увагу пастаянна. Галоўная задача такіх вучэнняў - узаемадзеянне ўсіх зацікаўленых службаў у ліквідацыі аварыі», — распавёў начальнік аддзела па папярэджанні і ліквідацыі надзвычайных сітуацый Гродзенскага абласнога ўпраўлення МНС Вадзім Зайцаў.
У якасці пілотнага праекта ў Гродзенскай вобласці выдаюць уліковыя формы-налепкі для тэхнікі арганізацый, якую можна прыцягнуць да аварыйна-выратавальных i iншых неадкладных работ у зонах надзвычайных сітуацый. Гэта дазволіць весці спецулiк тэхнікі і кантраляваць яе спраўнасць. Такія налепкі на вучэннях выдалі тром машынам, якія цяпер будуць ездзіць з імі пастаянна.
Дырэктар цеплавых сетак Анатоль Шышла адзначыў, што вучэнні прайшлі на высокім узроўні і ўсім службам удалося атрымаць добры вынік.
«Пры ліквідацыі аварыі на Татарскай узнікла шмат пытанняў, якія мы цяпер адпрацоўваем усімі гарадскімі службамі. На вучэннях гэтыя моманты мы абмеркавалі і стварылі амаль рэальную баявую сітуацыю. З усімі задачамі службы справіліся добра. Па нормах да месца аварыі трэба прыехаць не больш чым за 1,5 гадзіны, мы выканалі сваю задачу за 30 хвілін».
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…