Навіны

«Ёсць прапановы, але я пакуль не выбрала новы шлях». Віцэ-міс «Супермадэль Сусвету-2016» вярнулася ў Гродна

Елізавета Шыкута некалькі дзён таму вярнулася ў Гродна з сонечнай Балгарыі, дзе годна прадставіла Беларусь на конкурсе «Супермадэль Сусвету — 2016». Дзяўчына стала першай віцэ-міс і цяпер яе чакаюць кантракты з вядомымі мадэльнымі агенцтвамi.

Елізавеце 19 гадоў, яна вучыцца на завочным у ГрДУ на юрыста. У мадэльным бізнесе з 15 гадоў. Вучобу яна спалучае з працай прадаўцом-кансультантам у адной з крамаў горада.

«Пуцёўку на конкурс у Балгарыю я атрымала пасля ўдзелу ў конкурсе» Міс Гродна 2016 «, дзе мяне заўважыла нацыянальны дырэктар міжнародных конкурсаў прыгажосці Святлана Кузняцова (Місіс Сусвет 2013)», — распавядае дзяўчына.

[irp posts="2794″ name="Гродзенка стала першай віцэ-міс на конкурсе Супермадэль Сусвету"]

Усяго ў конкурсе ўдзельнічалі больш за 30 прыгажунь з розных краін свету. На працягу трох дзён дзяўчыны ўдзельнічалі ў дэфіле, дэманстравалі модныя ўборы і аксэсуары. З мадэлямі працавалі вядомыя стылісты. У выніку галоўны тытул заваявала прадстаўніца Аўстраліі. Гродзенка была другой.


«Гэты этап у маім жыцці неверагодна бліскучы і незабыўны, я ўпэўненая, што ён прывядзе мяне да нечага большага. Я вельмі ўдзячная ўсім, хто мяне падтрымліваў, і хто верыў у мяне. Удзел у падобным конкурсе прыгажосці гэта ўжо гонар, а стаць першай віцэ-міс у ім гэта вялікая ўзнагарода. Таксама мой малады чалавек падтрымліваў мяне на працягу ўсяго конкурсу і верыў, што ўсё ў мяне атрымаецца. Зараз ён ганарыцца, што я добра прадставіла наш горад і краіну, і проста шчаслівы ад таго што я з ім».

У бліжэйшых планах у дзяўчыны працягваць вучыцца завочна, а таксама ўдасканальвацца ў сувязі з мноствам новых перспектыў і магчымасцяў.

«Я працую ў краме ў цэнтры горада прадаўцом-кансультантам у аддзеле дэкаратыўнай касметыкі. Мне падабаецца мая праца, але, як і любы чалавек, я імкнуся да лепшага. Пасля конкурсу я атрымала некалькі цікавых прапаноў, але я пакуль не выбрала свой новы шлях. Трэба ўсё старанна абдумаць, а за суткі гэта немагчыма зрабіць».

Колькасць паклоннікаў, званкоў і паведамленняў у сацыяльных сетках у Елізаветы павялічылася ў некалькі разоў. За два дні на яе інстаграм падпісалася больш за 300 чалавек.

Фота з асабістага архіву Елізаветы Шыкуты. Візажыст Юлія Якусiк

Падзяліцца
Меткі: мода

Апошнія запісы

Міліцыя Гродна склала спісы фанатаў і «дэструктыўна настроеных»

У АУС Гродна сфармавалі спісы найбольш актыўных футбольных заўзятараў і "дэструктыўна настроеных грамадзян". Туды ўвайшло…

18 красавіка 2025

Новая амбулаторыя, фантаны і гарадскі забег. Што будзе на 1 траўня ў Гродне (праграма)

Да 1 траўня ў Гродне адкрыюць амбулаторыю ў Грандзічах, уключаць фантаны. Само свята пачнецца з…

18 красавіка 2025

У 2024 годзе ў Гродне за распаўсюд экстрэмісцкіх матэрыялаў пакаралі 4 непаўналетніх

Сілавікі знайшлі чатырох непаўналетніх у Гродне і вобласці, якія распаўсюджвалі экстрэмісцкія матэрыялы. Пра гэта напісана…

18 красавіка 2025

На «Гродна Азот» часта спрацоўвае пажарная сігналізацыя — датчыкі ненадзейныя

На "Гродна Азот" усё часцей спрацоўвае пажарная сігналізацыя - у параўнанні з першым кварталам мінулага…

18 красавіка 2025

Для рэйсаў Гродна—Мінск закупілі кітайскіх аўтобусаў на $ 1,5 млн. Яны заменяць многія маршруткі

З 21 красавіка на маршруце Гродна-Мінск большасць маршрутак заменяць кітайскімі аўтобусамі Zhong Tong. Транспарт закуплялі…

17 красавіка 2025

Літва забараніла перасякаць мяжу на матацыклах і мапедах — іх стала занадта шмат

Зараз праз памежныя пераходы ў Мядзінінкай (з беларускага боку Каменны Лог) і Шальчынінкай (Беняконі) можна…

16 красавіка 2025