Пункт пропуску "Брузгі". Фота ілюстрацыйнае
3 лістапада 2016 года ў пунктах пропуску на беларуска-польскай мяжы на ўчастку Гродзенскай памежнай групы сабралася вялікая колькасць легкавых аўто, якія чакаюць афармлення і выезду з Рэспублікі Беларусь, паведамілі ў Дзяржаўным памежным камітэце.
Па стане на 10.00 у пункце пропуску «Брузгі» у чарзе на выезд з Беларусі знаходзілася каля 200 легкавых машын, а ў пункце пропуску «Бераставіца» — больш за 120 легкавых машын.
Па стане на 14.00 лічбы крыху зменшыліся: да 183 і 53 адпаведна.
У той жа час, на тэрыторыі гэтых пунктаў пропуску вялікая колькасць легкавога транспарту чакае ў чарзе для выезду з Беларусі і ўезду на тэрыторыю Польшчы ўжо пасля праходжання ўсіх відаў кантролю. Таму легкавы транспарт не можа выехаць з тэрыторыі пунктаў пропуску з Беларусі для далейшага афармлення ў пунктах пропуску на тэрыторыі Польшчы.
Паводле папярэдняй інфармацыі, атрыманай ад польскага боку, узнікненне чэргаў у пунктах пропуску «Брузгі» і «Бераставіца» звязана з перабоямі ў праграмным забеспячэнні мытнай службы Польшчы.
Памежнікі просяць грамадзян, якія маюць намер у бліжэйшы час выехаць з Беларусі ў Польшчу праз дадзеныя пункты пропуску, улічваць гэтую інфармацыю пры планаванні паездак.
У АУС Гродна сфармавалі спісы найбольш актыўных футбольных заўзятараў і "дэструктыўна настроеных грамадзян". Туды ўвайшло…
Да 1 траўня ў Гродне адкрыюць амбулаторыю ў Грандзічах, уключаць фантаны. Само свята пачнецца з…
Сілавікі знайшлі чатырох непаўналетніх у Гродне і вобласці, якія распаўсюджвалі экстрэмісцкія матэрыялы. Пра гэта напісана…
На "Гродна Азот" усё часцей спрацоўвае пажарная сігналізацыя - у параўнанні з першым кварталам мінулага…
З 21 красавіка на маршруце Гродна-Мінск большасць маршрутак заменяць кітайскімі аўтобусамі Zhong Tong. Транспарт закуплялі…
Зараз праз памежныя пераходы ў Мядзінінкай (з беларускага боку Каменны Лог) і Шальчынінкай (Беняконі) можна…