Фота: belarustourism.by
Гродзенскі турыстычны партал пра магчымасці бязвізавага ўезду плануецца прарэкламаваць на сайтах гарадоў-пабрацімаў, паведаміў намеснік начальніка аддзела адукацыі, спорту і турызму Гродзенскага гарвыканкама Віталь Братанюк, піша Белта.
«Банэры, спасылкі на сайт, які распавядае аб турыстычных магчымасцях Гродна, магчыма, з’явяцца на старонках нашых гарадоў-пабрацімаў, а таксама на парталах консульскіх устаноў Беларусі за мяжой. Зрабіць гэта плануецца для таго, каб як мага больш патэнцыйных турыстаў даведаліся пра магчымасць бязвізавага ўезду замежнікаў у раён Аўгустоўскага канала», — адзначыў Віталь Братанюк. Ён падкрэсліў, што сайт распрацоўваецца спецыялістамі Гродзенскага дзяржаўнага ўніверсітэта імя Янкі Купалы пры падтрымцы гарвыканкама, райвыканкама і СЭЗ «Гроднаінвест».
Партал, перш за ўсё, будзе насычаны даведачнай інфармацыяй пра ўказ, які прадугледжвае бязвізавы ўезд, тэрыторыі, на якую ўказ распаўсюджваецца, тэрміны знаходжання і іншае.
«Таксама менавіта з дапамогай гэтага рэсурсу можна будзе замовіць тур на адзін, два ці больш дзён. Паглядзець найбольш значныя турыстычныя аб’екты, даведацца больш аб турыстычных прадуктах рэгіёну», — падкрэсліў Віталь Братанюк. Ён адзначыў, што навігацыю па сайце, магчымасць замовіць тур плануецца рэалізаваць у максімальна простай і даступнай форме.Таксама на партале можна будзе азнаёміцца з інтэрактыўнымі турыстычнымі картамі Гродна, Аўгустоўскага канала і наваколля. Абавязкова з’явіцца і мабільная версія сайта. Запусціць яго плануюць на працягу месяца.
Указ № 318 «Аб устанаўленні бязвізавага парадку ўезду і выезду замежных грамадзян» падпісаны 23 жніўня. Дакумент устанаўлівае бязвізавы парадак уезду і выезду на тэрыторыю Беларусі і часовага знаходжання ў турыстычных мэтах на тэрмін да пяці сутак у спецыяльным турысцка-рэкрэацыйнай парку «Аўгустоўскі канал» і прылеглых да яго тэрыторыях. Палажэнні ўказа, якія тычацца ўстанаўлення бязвізавага парадку ўезду і выезду для замежных грамадзян, уступаюць у сілу праз два месяцы пасля яго афіцыйнага апублікавання.
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…